Meeqqat sipaagaat Grønlandsbankimi erniaqarpianngillat
Danmarkimi meeqqat sipaagaannut 193-inut sanilliullugu Tjek.dk-ip Mybanker.dk sinnerlugu misissuinerani takuneqarsinnaavoq meeqqat sipaagaat Grønlandsbankimiittut tamanit erniakinnerpaajusut
Meeqqat sipaagaannut 193-imut sanilliussinermi, internettikkut sullissiviu Mybanker.dk-ip Tjek.dk sinnerlugu suliarisimaaani takuneqarsinnavoq, meeqqat sipaagaat assigiinngitsorujussuarmik ernialersorneqartartut.
Ukuuni 12-ini qitornat qaammammut 250 kroninik sipaaruttarsimagukku aningaaseriviup sorliunera apeqqutaalluni qitornavit 18-iliiguni tigusassai 25.000 kroninik nikingasinnaapput.
45.000-it 50.000-illu akornanni tunniussisartut ilagaat Danmarkimi aningaaseriviit anginerit - aningaaseriviilli aamma unerartinneqartunut taakkununnga 60.000 kroniinnarnik tunniussisartunik ilaqarput.
Appasinnerpaajupput 38.608 kronit, qaffasinnerpaajullutillu 63.531 kronit - tassa 24.923 koninik nikingallutik.
Hals Sparekasse Jyllandip avannaaniittoq meeqqaanut sipaartitsivigissallugu pitsaanerpaajuvoq. Ernialli pitsaasuussappata aamma sullinneqartup aningaaserivimmi tassani akissarsianut kontoqarnissaa, Nemkontoqarnissaa budgetkontoqarnissaalu piumasarineqarput.
Meeqqanut tunniussinnginnerpaajusarpoq Grønlandsbanki, illoqarfinni tallimani immikkoortoqarfeqartoq. Sipaakkat 40.000 kronit nallernavianngilaalluunniit - taamalu aningaaserivinni misissuiffigineqartuni 192-ini appasinnerpaajullutik.
Meeqqat sipaagaannut kontot, angajoqqaat aanaannkut assigisaasalu ukiumut 3.000 kronit tikillugit immertagaat piffissaq tamakkerlugu annerpaamik 36.000 kroninik imaqalersimassapput.