Iqalunnut aqqut kinguartippoq
Air Greenlandip Nuup Iqaluillu akornanni timmisartuussisarnissamik pilersaarutini kinguartippaa.
Annonse
Air Greenland pilersaarutini malillugit Nuup Iqaluillu akornanni 2010-mi timmisartuussineq aallartittussaavaa. Timmisartumik suli aallartoqanngitsorluunniit aqqutaasinnaasussaq ileqqaarniarnermit eqqugaavoq, canadamiut nutaarsiassaqartitsiviat CBC allapoq.
Air Greenlandilli timmisartussinissamik pilersaarutini suli unitsivinngilai maannamuugallartoq 2011-mut kinguartinneqarpoq.
Nuummit Iqalunnut timmisartuussisoqartarnikuuvoq First Air-ip Air Greenlandillu suleqatigiillutik ingerlataannik. Kingorna aallaarfik nuullugu Kangerlussuarmiit Iqalunnut timmisartoq angineq atorlugu timmisartuussisoqartarluni. Aqqutissaq taanna 2001-imi atorunnaarpoq akilersinnaanngimmat ilaasorineqartartut ikippallaarnerat pissutigalugu.