Skip to main content

New Yorkimi Kalaallit Nunaat qallunaaninngarniit ilisimaneruaat

Nunani tamani misissuinikkut paasineqarsimavoq, Danmarkimi inuit pingajussaat kisimik Kalaallit Nunaat pillugu ilisimasaqartut. »Kalaalliit Nunaata feriarfiusinnaanera ilisimatitsissutiginerusariaqarparput«, Air Greenlandimi nittarsaassinermut pisortaq oqarpoq.

Tamanna tuppaallannarpoq. Amerlaqisulli Kalaalit Nunaat nunap assingani ungasissutut qiianartutullu isigisarpaat.

Qallunaat taamaallaat sisamararterutaasa kunngeqarfiup issittumiittortaa ilisimasaqarfigaat, Banding Greenland Gruppep, Kalaallit Nunaannik silarsuarmi nittarsaassisuusup, misissuineratigut tamanna erserpoq.

Business.dk taama allappoq.

Qallunaat, tyskit amerikamiullu misissuiffigineqarsimapput. USA-mili New Yorkimi Californiamilu najugallit kisimik misissuiffigineqarsimallutik.

»Angusat ilaaasigut ilimageriikkagut uppernarsarneqaråut, allalli tupaallannartuullutik«, Air Greenlandimi paasissutissiisarnermut pisortaq Jesper Kunuk Egede, Branding Greenland Gruppemi suleqataasoq oqarpoq.

New Yorkimi najugallit Kalaallit Nunaat pillugu qallunaaniit ilisimasaqarnerunerat tupaallaatigaa. Misissuineq malilluygu USA-mi aperineqartut 29 procentiisa Kalaallit Nunaanni illoqarfiit anginersaat suunersoq nalunngilaat, qallunaalli 28 procentiinnaasa ilisimallugu.

New Yorkimi najugallit 7 aamma 3 procentit akornanniittut Kalaallit Nunaat ilisimasaqarfigisorujussuuaat, Danmarkimili 4 - 2 procentit kisimik taamaallutik. Qallunaat 34 procentiisa Kalaallit Nunaat ilisimasaqarfiginerarpaat.

Inuit Kalaallit Nunaat ilisimasimagaangamikku eqqaagajunnerusarpaat issittumiittoq minguitsunillu avatangiiseqartoq, Kalaallit Nunaannili inuiaqatigiit ilisimasaqarfiginnginnerusarlugit, tamanna misissuinermi takuneqarsinnaavoq.

»Kalaallit Nunaaa feriarfiusinnaasutut ilisimatitsissutiginissaa suliassarujussuuvoq. Kalaallit nerisassiortarnerat, takusassat oqaluttuarisaanermut pingaarutillit, inut qallunaatsaallu kulturiisa misigisassanut ilaanerat, Kalaallit Nunaannullu takornariarnermi misigineqarsinnaanerat, nunani tamani nittarsaanneqarsinnaasunut annertuunut ilaapput«, Jesper Kunuk Egede Air Greenlandimeersoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER