Skip to main content

TV-qarfimmi ajortut suli amerliartorput

Sisimiut TV-mi sulisut salloqquneqarput dekoderillit isiginnaarsinnaannginnerat pillugu.

Sisimiut TV-mi tusagassiortoq Kammammii Olsen soraasitaavoq, siulersuisuugallartut siulittaasuat Peter Lennertilu aporaaterujussuarnermik kingorna. Taassuma Kammammii Olsen sakkortuumik assuaraa TV-qarfiup ingerlaneranut ajornartorsiorujussuarneq pillugu paasissutissiisimanngimmat.

- Tamanna eqqunngilluinnarpoq, Kammammii Olsen oqarpoq. Maajilli 26-anni suleqatigiit siulittaasunut allagaqarput aningaasatigut ingerlanerup ajorluinnartup sulisullu atugaat ajortut nassuiaateqarfigalugit. Allakkiarput akissuteqarfigineqanngilaq ataatsimiinnermili ilisimatinneqarpugut dekoderit atorsinnaanngitsut pillugit sallusariaqartugut. Aperineqarutta akeqquneqarpugut teknikkikkut ajornartorsiorneq pissutigalugu isiginnaartoqarsinnaanngitsoq aningaasanik ajornartorsiorneq taaneqaqqusaanngilaq.

Siulersuisut siulittaasuat Peter Lennert aammalu siulersuisuni ilaasortaq Hans Frederik Olsen Kammammii Olsenip nassuiaatai akueriumanngilluinnarpaat.

- Ilisimanngilarput Canal Digitalimut taama aningaasanik amerlatigisunik akiitsoqarluta (1.6 million koruunit aaqq.) allaat dekoderit qaminneqartariaqarlutik. Tamanna aatsaat erserpoq pisortap Palle Lennertip juulip naanerani suliffimmit tunuarneratigut. Allagaq pineqartoq aamma aatsaat taamani nassaaraarput, taanna maajip naanerani tigusassarigaluarparput, Peter Lennert oqarpoq.

Soraarsitaava - imaluunniit?

Siulersuisut siulittaasua isumaqarpoq Kammammii Olsenip Sisimiut TV-mi siulersuisut paasissutissanik annikippallaanik tuniinnarnagit, septembarip qulingiluaanni assortuuterujussuarnerup kingorna suliartoqqissimannginnera pissutigalugu soraarsitaasoq.

- Uanga paasinninnera naapertorlugu aggeqqinnginnissara kissaatigineqarpoq.

Peter Lennertip Kammammii Olsenimik soraarsitsisimanngiinerarpoq oqarporli sakkortuumik aporaassimallutik kingornalu utoqqatserusukkaluarluni. Assortuunnerput ima sakkortutigilerpoq allaat nammineq inimut allamut anillattariaqarluni uteramilu Kammammii Olsen ingerlasimavoq.

- Utoqqatserfigerusukkaluarpara, Peter Lennert oqarpoq.

Kammammii Olsenimik soraarsitsineq aamma allanik marlunnik tunngaveqarpoq. KNR-ip Sisimiunit ilanngutassiat unitsippai aammalu Sisimiut TV-ata aningaasatigut ajortumik inissisimanera.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER