Skip to main content

Ilisimatusarfik pisoqarfioqisoq isornartorsiorneqarujussuarpoq

Lektor Pia Vedel Ankersenip soraarnini tunngavilersorpaa suleqatigiinnermi ajornartorsiuteqarnermik ilinniartitsinerullu appasissusianik.

– Allaffissornermik Ilisimatusarfiup ilisimatusarnermi aammalu ilisimatusarnermik tunngavilimmik, nunani tamalaani qaffasinnerpaaq angullugu qaffasissusilimmik ilinniagaqartitsinissamik, aqutsinermut inatsisip aalajangersagai malinngilai.

Taamatut naliliivoq Pia Vedel Ankersen, taannalu Kalaallit Nunaata universitetiani Ilisimatusarfimmi lektoritut atorfimminit tunuaqqammerpoq.

Soraarniuteqarnera pissutigalugu ilinniagaqartut toqqissisimanngitsut rektor Tine Pars aperaat Allaffissornermik Ilisimatusarfimmi ajortoqarluinnarnersoq.

– Taamaattoqarporlu, Pia Vedel Ankersen tektorimut akissummini oqarpoq, tamatumani ilisimatsusarfimmi isornartullit pingasut tikkuartorlugit:

1) Ilinniagassat atuartitsinerlu appasippallaaqaat, 2) ilinniagassat atuartitsinerlu illuinnarsiorpallaaqaat aamma 3) kalaallisut atortussat attuumassuteqartut atuartitsinermi ilaatinneqarneq ajorput.

– Ilinniagaqarfiup qaffasissusia atuartitsinerullu imarisai tassaasimapput – tassaallutillu aaqqiagiinnginnerup qiterisai, Pia Vedel Ankersen oqarpoq.

Ilinniagaqartut oqarsimapput ilisimatusarfimmi atuartitsineq ima illuinnarsiortigisoq sunniiniarnertut isikkoqarluni.

Pia Vedel Ankersenip ilinniartut isumaqatigai.

– Illuinnarsiornikkut ilinniagassat, fagit neqeroorutigineqartut atuartitsinerlu marxisterpalaarnerusumik tunngaveqarput.

– Isornartorsiuineq imatut paasineqassanngilaq atuakkanik marxistiskiusunik atuartitsisoqarsinnaanngilaq.

– Isornartorsiuineq imatut paasineqassaaq taamatuinnapajaaq atuartitsisoqartoq, Pia Vedel Ankersen oqarpoq.

Sermitsiaq nr. 39-mi rektorip ilinniartitsisullu allat apersornerneri aamma atuarsinnaavatit....

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER