Piffik umiarsuarnik takornariartaateqarfik naammagisimaarpaat
Umiarsuarnik takornariartaatik 330-it sinnerlugit tikinneqarneq piffimmi aningaasarsiornermik ajornartorsiorfiusuni naammagisimaarnarpoq, Kalaallit Nunaanni Takornariaqarnermut Inuussutissarsiornermullu Siunnersuisoqatigiit naliliipput.
– Naliliivugut ukioq manna umiarsuarnik takornariartaatinik 330-it sinnerlugit tikinneqarsimasugut, tamannalu naammagisimaarnarluinnarpoq eqqarsaatigissagaanni aningaasarsiornikkut ajornartorsiortoqarnera aammalu umiarsuarnik takornariartaatinik tikinneqartarnerup ukiuni kingullerni annertuseriarsimanerujussua, attaveqarnermut umiarsuarnullu takornariartaatinut siunnersorti Mallik Milfeldt, Kalaallit Nunaanni Takornariaqarnermut Inuussutissarsiornermullu Siunnersuisoqatigiinneersoq, oqarpoq.
AAMMA ATUARUK: Ukioq manna umiarsuaq kingulleq
– Umiarsuarni takornariartaatini ilaasut, ukioq manna Kalaallit Nunaannut tikeraartut, amerlassuserpiaat suli ilisimanngilarput. Kisitsisit taakkua Akileraartarnermi Pisortaqarfimmit ukioq manna kingusinnerusukkut naatsorsorneqassapput, mannali tikillugu oqaatigisinnaasarput tassaavoq umiarsuarnik takornariartaatinik takornariat amerlanerpaat ilimagisaannit aningaasanik amerlanerusunik inuiaqatigiinnut tunisisartut. Tamannali naatsorsuinerit arlallit suliarisimasatta maannalu misissuinerup ingerlasup takutippaat, Malik Milfeldt oqarpoq.
AAMMA ATUARUK: Takornariat Nuummi ulloq ataaseq 500.000-inik atuipput
2008-mi umiarsuarnik takornariartaatinik 350-it sinnerlugit tikinneqarsimavugut, Kalaallit Nunaanni Takornariaqarnermut Inuussutissarsiornermullu Siunnersuisoqatigiit paasissutissiipput.