Skip to main content

Ukioq manna umiarsuaq kingulleq

"Princess Emerald" ukioq manna umiarsuit takornariartaatit tikittut kingullersarissavaat. Sapaatiuppat Kujataanut tikissaaq.

Amerikarmiut umiarsuaat takornariartaat Emerald Princess sapaatiuppat ullaakkut nal. 7:00 Qaqortumut tikippat taanna ukioq manna umiarsuit takornariartaatit nunatsinnut tikittut kingullersarissavaat.

Umiarsuaq 3.000-it sinnilaarlugit ilaasoqarpoq, nunatsinnukannginnerminilu Reykjavikimiissimavoq, taamatut paasissutissiivoq Kalaallit Nunaanni Takornariaqarnermut Inuussutissarsiornermullu Siunnersuisoqatigiit.

Qaqortoq Tourist Servicemi takornariaqarnermut pisortaq Pitsi Høegh malillugu Princess-imi ilaasut Kalaallit Nunaannut tikerasarneq naammagisimaartarpaat:

- Umiarsuaatileqatigiiffimmit nalunaarfigineqartarpugut ilaasut Kalaallit Nunaannut tikinnertik nuannarisartorujussuugaat. Amerlaqisunut allat nunanit tikeraakkanit nuannernersaasarpoq, taamaattumik naammassiniagassaqarpugut, Pitsi Høegh oqaluttuarpoq, sapaatiuppallu niuerluarnissaq qilanaaraa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER