Skip to main content

Inissianik aserorterinerit akiliuteqarnerulersitsissapput

Namminersorlutik Oqartussat Inissiaatileqatigiiffik INI qinnuigaat inissiani attartortittakkani aserorterinerit akiorniarnissaannut eqqakkallu piiarneqartarnissaannut immikkut suliniuteqaqqullugit.

Iikkanut titartuinerit eqqagassallu sumi taamaaniittut ajornartorsiutaanerat annertusigaluttuinnarpoq, pingaartumik Nuummi, ineqarnermut naalakersuisoq Jens B. Frederiksen allappoq.

Tamanna pissutigalugu inissiaatileqatigiiffiup eqqagassalerinerup najugaqartunut ajornannginnerpaatinneqalernissaa aallunniarpaa, januarip aallaqqaataaniit 2010 atuutilersussamit. Ineqartulli suleqataanngippata ineqarnerup akitsorneranik kinguneqarsinnaavoq.

- Attartortut suliniummut tapersersuinngippata, aammalu inissiarsuarni aserorterisarnerit eqqakkallu killilersimaarniarneqarnerini ikiuutinngippata, INI sulisussanik tamatumunnga pisariaqartinneqartunik pissarsiniartariaqalertussaavoq. Tamatumunnga aningaasartuutissat illumi pineqartumi ineqarnermut akiliutit qaffannerisigut matuneqartariaqassapput, imaluunniit akiligassaq attartortunut tamaangaannaq eqqaasunut toqqaannartumik nassiunneqartalissalluni, Jens B. Frederiksen allappoq.

- Inuunitsinnut avatangiisitsinnullu akisussaaffimmik tigusinissatsinnut piffissanngorpoq. Aningaasartuutitaqanngitsumik pinngortitamut eqqaaginnartoqarsinnaajunnaarpoq, imaluunniit allat pigisaannik aserorterisoqaannarsinnaajunnaarluni. Inersimasut pitsaasumik maligassiuinissaat inuusuttullu pissusilersornissaannut ikiuunnissaat pingaaruteqarpoq, Jens B. Frederiksen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER