Skip to main content

Upernavimmi meeqqat inuusuttuaqqallu orniguttarfissaat nutaaq

"Qaamaliaq" - meeqqanut inuusuttuaqqanullu 7-miit 18-inik ukiulinnut naatsorsuussaq ippassaq nalliuttorsiorpalaartumik Upernavimmi ammarneqarpoq.

Meeqqanik ikiuiniaqatigiit Red Barnet suliniuteqartuuvoq. Red Barnetillu Nunatsinnut tunngatillugu ataqatigiissaarisuata Dorrit Hermannip ippassaq meeqqat inuusuttuaqqallu orniguttarfittaavata ammaanersiorneqarnera nuannaarutigaa, knr.gl taamak allappoq.

Ammaanersiornermi akunneq siullermi pisortatigoornerusumik ingerlanneqarpoq, illumik aningaasaliisunit kommunimiillu oqalugiartoqarluni, nalunaaqutarlu 14 meeqqat, inuusuttuaqqat illoqarfimmilu innuttaasut orniguttarfimmut ammaanneqarput.

- Computerertarfimmi meeqqat sammisaqarlualereerput, maannakkullu nuannarineqalereerpoq. Tamannami uagut neriuutigaarput, meeqqat inuusuttuaqqallu taamatut illumik matuminnga misigisaqarnissaat, toqqissisimasumik isersimaarfeqartarnissaat, qinngasaarneqaratik ikinngutitillu nuannisartarnissaat, Dorthe Hermann oqarpoq.

2006-imi Upernavimmi meeqqat inuusuttuaqqallu akornanni imminortarnermik nalaanneqarput. Red Barnetip neriuutigaa illup atulerneratigut assigisaanik pisoqaqqinnginnissaanut illumi aaqqissuussinerit ilaatigut aamma taamatut pinngitsoortitseqataajumaartut.

Ualikkut Qaamaliaq meeqqanut 50-it missaanniittunut ammasassaaq, unnukkut inuusuttuaqqanit 50-it missaanniittunit atorneqartassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER