Skip to main content

Sinerissami oqarasuaatit angallattakkat atorsinnaaffii

Oqarasuaatit angallattakkat sumi attaveqarsinnaanersut innuttaasut takusinnaaniassammatigit, TELE-POST nunap assinginut nalunaarsuivoq oqarasuaatit angallattakkat sinerissami sumi attaveqarsinnaanerannik.

Maannakkut aavarnerup naligimmagu taava amerlasuut TELE-POSTimut aperisarput, ornitassamminni oqarasuaatit angallattakakt attaveqarsinnaanersut.

AAJUK: Mobil-it angumasaannut nunap assiga

TELE-POSTimit erseqqissaatigineqarpoq oqarasuaatit angallattakkat atorsinnaaneranni sumiiffiit inoqarfiusut pingaarnerutinneqartut. Tassa imaappoq illoqarfinni - kiisalu amerlasuutigut nunaqarfinni. TELE-POSTimit qulakkeerneqarnianngilaq attaveqarsinnaaneq ilumut pisinnaanersoq, nunami asimiikkaanni imaluunniit aavariarsimagaanni.

Innuttaasut takusinnaaniassammassuk oqarasuaatit angallattakkat sumi attaveqarsinnaanersut, TELE-POST nunap assinginut nalunaarsuivoq oqarasuaatit angallattakkat sinerissami sumi attaveqarsinnaanerannik.

Oqarasuaatit angallattakkat atorsinnaaffiinut nunap assingi, ilimagisat najoqqutaralugit naatsorsuinerit tunngavigalugit suliarineqarput, naatsorsuinerillu annertunerpaamik misissoqqissaarneqarput sumiiffinni uuttortaanerit atorlugit, takutitsillutillu sumiiffinnik GSM-imik attaveqarfiusinnaasunik.

Nunap assingi qalipaasersorneqarput taakkulu takutippaat silamiilluni attaveqarsinnaanerup ilimanassusia, tassa imaanngilaq illup iluaniikkaanni ingerlaannartumik attaveqarsinnaaneq naatsorsuutigineqarsinnaasoq.

Naak nunap assingini atuisinnaasoqarneranik takutitsisoqaraluartoq, taava sumiiffiit ilaanni imaassinnaavoq oqarasuaatit angallattakkat attaveqarsinnaanngitsut. Attaveqarsinnaanerup sakkortussusiata pitsaannginnerusutut nalunaarneqarsimappat, taava naatsorsuutigisariaqarpoq attaveqarsinnaanerup kipisaqattaartarnissaa. Tamatumalu paarlattuanik nunap assingini attaveqarsinnaanngiffiusutut nalunaarneqarsimagaluartut sukkut tamaana attaveqarfiusinnaassasut.

TELE-POSTimit erseqqissarneqarpoq, imaatigut angalasunut maannakkorpiaq sillimaniarnermut pitsaanerpaasutut neqeroorutigineqarsinnaasut tassaammata VHF-radio imaluunniit oqarasuaat Iridium.

Nammineq sumiiffimmi oqarasuaatit angallattakkat sumi atorneqarsinnaasut takuniaraanni www.tele.gl iserfigineqassaaq.

TELE-POSTimit erseqqissaatigineqarpoq taakku tassaammata ilimagit tunngavigalugit naatsorsukkat, kiisalu pissutsit assigiinngitsorpassuit apeqqutaasinnaamata soorlu nunap sannaa, teknikki, sila qanoq innera il. il.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER