Skip to main content

Nettimi erinnat akeqanngitsut

Nuummi innuttaasut nettimi erinnanik 1, 5 millioninik akeqanngitsumik inatsisinillu unioqqutitsinerunngitsumik aallersinnaapput.

Erinnat erinarsortartut Rasmus Lyberthip aamma Julie Berthelsenip atugaat nettimit akeqanngitsumik aaneqarsinnaapput, taamaallaat piumasaqaataavoq Kalaallit Nunaanni Atuagaateqarfimmit atuakkanik atorniartarnermut allagartaq. Taamatut aaqqissuussineq aallartippoq maajimi 2009-mi.

– Misiligutitut taamatut neqeroorpugut, 2010-milu taamatut aaqqissussineq pillugu nalilersuissaagut, Kalaallit Nunaata Atuagaateqarfiani pisortaq, Elisa Jeremiassen oqarpoq.

Kalaallit erinarsortartut taariikkat saniatigut aamma akeqanngitsumik inatsisinillu unioqqutitsinerunngitsumik www.netmusik.dk -mit mainstream pop-imik soorlu Michael Jacksonip erinarsugaanik, imaluunniit erinnat qanga erinarsortartunit tusaamaneqarluartunit Aretha Franklinimit aamma Billie Holidaymit atorneqartut aaneqarsinnaallutik. Katillugu erinnat akeqanngitsut 1,5 millionit aaneqarsinnaapput atuakkanik atorniartarnermut allagartat atorlugu, Nuummilu najugaqartuusariaqarputit atuakkanillu atorniarsinnaanermut allagartaqarlutit.

Erinnat kopiikkat

Erinnat aaneqarsinnaasut kopeerneqannginnissaannut qulakkiigaapput sapaatit akunneralu ataaseq qaangiukkaangat atorneqarsinnaajunnaartarlutik.

Nuummi innuttaasut kisimik tassannga atuisinnaanerannut pissutaavoq atuakkanik atorniartarfik kisimi nammineq tassunga ilaasortanngorniarsinnaammat.

– Nuummiit allani illoqarfinni najugaqartut ilaasortanngortinniarsinnaanngilagut, kisianni namminneq perusukkunik tamanna sulissutigisinnaavaat, akeqarporli, Elisa Jeremiassen oqarpoq.

Kalaallit Nunaata Atuagaateqarfia taamatut nipilersukkanik ilaasortaminut neqerooruteqarsinnaanerminut ukiumut 6.000 koruuninik akiliuteqartarpoq.

Unammillernerunngilaq

Taamatut nipilersukkanik akeqanngitsumik attartortitsisinnaanermik Kalaallit Nunaata Atuagaateqarfiata neqerooruteqarnera kalaallit nuusiortarfiinik tamakkuninngalu nioqquteqartartunik unammillernerunnginnersoq atuagaateqarfiup pisortaata taamaannginnerarpaa.

– Naamik, taamatut misiginngilara, erinnammi nuannarineqartorujussuit aamma pisiarineqartarput, erinnamillu tusarnerisamik tusarnaarsimagaanni pisarerusunnartarput. Danmarkimi misissuisimanerup aamma takutippaa killormut pisoqartartoq, tassa inuit erinnanik piserusussuseqarnerulersartut, atuagaateqarfiup pisortaa Elisa Jeremiassen oqarpoq.

Nipilersukkanik atorniarneq Kalaallit Nunaata Atuagaateqarfiata computeriisigut imaluunniit angerlarsimaffimmiit pisinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER