Sungiusarneq: Umiarsuaq sinersortaat ikuallattoq

Ilaasut inuttallu 240-it annaanneqarput

Thule Air Basep avataani »Northern Deployment« annaanniarneqarpoq.

Takkuk WEB-TV: Katastrofeøvelse

Sungiusarnerup siunertaraa ›Ejnar Mikkelsen«-ip grækeret umiarsuaanni sinersortaammi »Rigor Mortis«-imi ilaasut sulisullu 240-it annaanniassagai.

Ullaap tungaani umiarsuami sinersortaammi sukkaqisumik ikuallanneqarpoq, umiarsuarlu nakkutilliissut »Hvidbjørnen« Thulep umiarsualivianiittoq erngerluni annaassiniariartorpoq.

– Grækerit umiarsuaanniittut ilaasut sulisullu ilaat 20 - 30-it ikilersimapput, »Hvidbjørnen«-ip naalagaata tullia sermitsiaq.gl-imut oqaluttuarpoq.

Umiarsuup nakkutilliissutip gummibådii umiarsuup ikullattup »Hvidbjørnen«-illu akornanni uteqattaartuarput.

Nalunaaqutaq 13.00 ilaasut sulisullu 32-it »Hvidbjørnen«-imiilerput. Ataaseq toqusimavoq sinnerili umiarsuup nakorsaanit peqqissaasuillu passunneqarput. Umiarsuup nerisarfia ikilersimasunik passussisarfittut aaqqissuunneqarsimavoq.

Umiarsuup helikopteria minutsinik 15-inik piffissaqarluni ikilersimanerpaanik Thule Air Basemi suliarineqartussanik assarsuivoq.

– Grækerit umiarsuaat annaanniarparput, L.J. Jensen oqarpoq. Ilaasut ajoqusersimanngitsut eqqissisarneqarput ualllu ingerlanerani nunamut assartorneqarlutik, nakorsalli ikilersimanerpaat sakkutooqarfiliaaneqartussanngortippai.

Annaasiniartusaarneq unnugu pqataasunit tamanit nalliiffigineqassaaq.

Powered by Labrador CMS