Skip to main content

Kuulti nanortalik

Kuultip Nalunameersup nunngutaa Nuummi atuisunut saqqummersitsinermi ilaavoq.

Arlallit oqarniassagunarput Nalunami kuultisiorfimmiit kuultip nunngutaa matunnnginnerani pisiarisimallugu. Aamma kuultimi ilusilersuisartoq Palle Møller, Alpar, Nuummeersooq:

- Uanga kuultimineq nunngutaajusoq inniminnerpara, taammattumik naatsorsuutigaara taanna kingullerpaajusoq.

Palle Møller imminut ilinniartissimavoq kuultimillu ilusilersuisartutut ukiuni kingullerni sisamani tallimani sulisimalluni, pinnersaasiorfimmilu pinnersaatinik nammineq ilusilersukkaminik suliaqartarpoq.

Atuisunut Saqqummersitsinermi 2009-mi Inussivimmi ingerlanneqartumi allarpassuit peqatigalugit peqataavoq, tamaani pinnersaatiliani saqqummersippai tuniniarlugillu, Suliarisartagaasa ilagaat iverutit aamma katinnermi assammiut inniminnerneqarsimasut kiisalu nammineq ilisarnaateqarpoq:

- Uanga kuultimik pinnersaasiakka nannumik ilisarnaasertarpakka, ukiullu tamarluinnaasa forcetechnologymit misissuiffigineqartarpunga, taakku kuulti atorlugu pinnersaasiortartut tamaasa suliaat aamma pinnersaasiaminnut atugaat kiisalu pinnersaasiat ineriikkat akoqassusiat misissuiffigisarpaat. Aammattaaq misissortarpaat pinnersaasiani naqissusiisimaneq aamma tunisassiat pissusissamisut innersut danskit inatsisaannut naleqqiullugu, Palle Møller oqaluttuarpoq.

Kalaallit kuultiat piiavinnit allaneersunut sanilliullugu akisunerulaarpoq. Kalaallit kuultiat 14 karat kuultitut nalinginnaasunik taaneqartartut 18 karatimik naleqarnerattut akeqarpoq.

Atuisunut Saqqummersitsinermi 2009 assit uani takusinnaavatit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER