Eqalussuaq qeritinneqarpoq
Eqalussuaq Anholtip eqqaani pisarineqartoq septembarip ulluisa aappaat aallarnerfigalugu Øresundskvariami takutitassiarineqassaaq.
Annonse
Eqalussuaq tammartajaartoq aalisartup Gillelejemeersup Frank Christian Theodorsenip, sapaatit akunneranni qaangiuttumi Anholtip kujataani 40 meterisut ititigisumi pisarisaa takutitassiarineqalerpoq, sn.dk-mi allaaserineqarpoq.
Kingusinnerusukkut eqalussuaq assigiinngitsunik imap uumasuinik misissuinermut atatillugu misissorneqassaaq ilaatigut Københavnip Universitetiani, Helsingørimi Marinbiologisk Laboratoriumimi, kisianni maannakkut 2. septembari aallarnerfigalugu eqalussuarmik takunnikkusutut qerititsivimmiittoq takusinnaavaat.