Qallunaat/Savalimmiut imartat piumavaat

Aallartitat qalunaanik, savalimmiorminut aamma nunatsinneersunik inuttaqartut Savalimmiut avannaani immap naqqani nunavittaq 200 sømilinik avasinnerusumiittoq piumaqaatigalugu saqqumiussipput. Tamanna pivoq New Yorkimi FN-ip qullersaqarfiani.

Kunngeqarfiup Danmarkip matumuuna imartamik atuisinnaaneq piumasaqaatigaa, imartaq pineqartoq tassaavoq Savalimmiut avannaani killeqarfiup 200 sømiliusut avataaniittoq. Piumasaqaat New Yorkimi FN-ip Havretskommissionianut (imartat atorneqartussanngortittarnerannut ataatsimiititaliarsuaq, nuts.) suliassanngortillugu tuniunneqarpoq, Nunanut Allanut Ministereqarfik, www.um.dk allappoq.

Tamanna tassaavoq sumiiffiit assigiinngitsut tallimat Kunngeqarfiup Danmarkip 2014 nallertinnagu piumasaqaateqarfiginiarlugit kissaatigisai. Taamaaliornikkut "Immap Kiffaanngissusia" attorneqarpoq. Uppernarsaasersuutini FN-imut tunniunneqartuni, nunap sannaanik misissuisimanernik tunngaviaqarput, tassa nunavissuit imminnut attuunnerat. Assersuutigalugu Folketingip nunap sannaanik misissuinissamut 20 millioni koruunit immikkoortissimavai.

Naalagaaffik akornutissartaqanngitsumik sineriamminiik 200 sømili tikillugu immap naqqani nunavimmik atuisinnaavoq. Piumasaqaatit annertuneruppata tamakku ilisimatuut misissiusimanerat tunngavigalugit uppernarsaasersorneqassapput, tamatumani piumasaqaataavoq paasissutissat katersorneqarsimasut pinngortitami misissuisimanermit annertuujunissaat. Atortussat tamakku katersorneqarlutik ingerlanneqarput tamakkulu qallunaat aamma savalimmiormiut immikkut ilisimasallit Kontinentalsokkelprojektimut (immap naqqani nunavittap misissorneqarnerani suliniut, nuts.) atatillugu. Suliaq ingerlanneqartoq Videnskabsministeriamit (ilisimatusarnermut naalakkersuisoqarfik, nuts.) aqunneqarpoq kiisalu Savalimmiuni aamma Kalaallit Nunaanni naalakkersuisutigut oqartussat suleqatigineqarput.

Paasissutissanik katersuinerit Savalimmiut kujataania aamma avannaani, kiisalu Kalaallit Nunaata kangimut avannaani aamma kujataani suli ingerlanneqarput.

Piumasaqaatit ilaat Danmarkimit piumasaqaatiginiarneqartoq tassaavoq Qalasersuarmik atuisinnaasunngortinneqarnissaq, tamannalu Canadap aamma Ruslandip piumasaqaatiginiarpaat.

Powered by Labrador CMS