Skip to main content

Aalborgimiit Nunatsinnut timmisartuussisarnissaq ilimanarsiartorpoq

Naak Air Greenland Aalborgimiit Nunatsinnut timmisartuussisarnermi ilaasukippallaartarnissaanik naliliisimagaluartoq mittarfeqarfiup pisortaata periarfissaqarsoraa.

Kalaallit Nunaanni takornariaqarnerup annertunerusumik sulissutigineqarneratigut aammalu nalinginnaasumik angalasartut amerliartuinnartut - nammineq imaluunniit suliffimminnut atatillugu angalasut - Aalborgip aamma Kangerlussuup akornanni sapaatit akunnerannut marloriarluni toqqaannartumik timmisartuussisalernissamut tunngaviusinnaapput.

Taamatut allaaserisaqarpoq nordjyske.dk sapaatiummat.

Inuussutissarsiorneq pillugu sapaatit akunnerata siuliani Nunatsinni isumasioqatigiinnermi taamatut nalunaartoqarpoq, suleqatigiissitaliortoqarluni ilaatigut Air Greenlandimi atorfikkaamik ilaasortalimmik taamatut timmisartuussisalernissamut periarfissanik sukumiisumik misissuisussamik.

- Piviusunngortissinnaanngisatsinnik neriulluaateqalernissarput mianerissavarput. Kisianni suleqatigiissitamik pilersitsinerup kingunerisaanik ajunngitsumik aallariarneruvoq. Nuannaarutigaara timmisartuussisalersinnaanissaq tamanna oqallisigineqaqqilermat, isumaqarpungalu pissarsilluarsimallunga, Søren Svendsen, Aalborg Lufthavnimi pisortaq nordjyske.dk-mut oqarpoq.

- Tunngaviusumik Air Greenland aamma selskabit arlallit ullumikkut Aalborgimiit nassitsinermik angallassinermillu suliaqartut taamatut timmisartuunneqartalersinnaapput, Søren Svendsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER