Skip to main content

Silasiorfimmi nanoq

Teknikkerit marluk DMI-meersut Kalaallit Nunaata avannaarpiarsuani silasiorfimmik ikkussiniarput. Tamannalu assorsuaq nannunik pingajoqqanik suleqataarusukkaluartunik soqutigineqarpoq.

DMI-mi teknikeriulluni misigisat assigiinngitsuusarput. Tamannalumi Michael Heerisip aamma Thomas Nedergaardip misigaat, taakku Kalaallit Nunaata avannaarpiarsuani silasiorfimmik nutaamik ikkussiniartillutik. Taamak allaaserisaqarpoq dmi.dk.

Thomas Nedergaard ima oqaluttuarpoq:

Uanga suleqatigalugu Michael Kap Morris Jesupimut ualilluaraa timmisartuunneqarpugut tamaani silasiorfik nutaaq ikkussuunniarlutigu.

Unnuakkut tusaalerpara silatitsinni nipi, tamannalu ajorimit pisuusinnaanngitsoq eqqarsapunga. Ingippunga illuaqqallu igalaavatigut itsuarama, takuleriallarikka nanorsuit pingajoqqat illuaqqamiit meterinik marlunnik ungasitsigalutik nakkukkaannga.

Michaeli itersarpara taasumalu upperinngilaanga. Nannunut qimaasaarut assiliivigullu tiguagut, nannullu illuaqqap silataani silasiummik assut soqutiginnittut assiliortorlugit.

Aqaguani nillerpoq anorlerluni aamma isikkivilulluni. Ualiartoraa kuummi ungasinngisatsinniittumi ujarak nakkarpallattoq tusaavara, putsullu akorngani nannup ornikkaatigut takutsiarsinnaavara. Kinguninnguatigullu aamma putsup akornatigut nanorsuit allat marluk erserput.

Taakku assut soqutigivaatigut saneqquppaatigullu taamaallaat meterinik 30-40-nik ungasissuseqarlutik. Nannut qimagusseeriarlugit aatsaat ullup qeqqanut nerisassagut nerivagut.

Ullup sinnera Michaeli uangalu assut tunummut qiviallattaavugut, pujorneralu qanillivallaarluni ussinneruleraangat iseriarluta kaffisortarpugut. Naak nannut akulerukkaluartut silasiorfik iluatsittumik napparneqarput atulertinneqarlunilu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER