Skip to main content

Imarsiornermik Ilinniarfik ilinniartussaaleqivoq

Inuussutissarsiornikkut ilinniarfiit allat ilinniartussaaleqinngilluaasartut Paamiut Imarsiornermik Ilinniarfik ilinniartussaaleqivoq.

Imarsiornermut Ilinniarfik amerlasuunik ilinniartussanik amigaateqarpoq, taamaattumik 1. gradimut naalaganngorniat Danmarkimi ingerlannissaa pisariaqalerluni, taamatut allaaserisaqarpoq knr.gl.

Sinerissap qanittuani aalisariutini naalaganngorniarluni 3. gradimut ilinniartitaanermut qinnuteqartartut ikiligaluttuinnarnerat pissutigalugu tamatuma ilinniartitaanerup matuneqarnissaanik kinguneqarsinnaavoq, ukiuni kingullerni 35-ni Imarsiornermik Ilinniarfimmi ilinniartitsisoq maannakkullu pisortaasoq, Erik Fleischer oqarpoq.

- Qinnuteqartut ikittuararsuupput. Naalaganngorniarlutik qinnuteqartut arfiniliinnaapput. Taakkunannga marluk immami angalanermik misilittagaqanngitsut, taamaattumik tunngaviusumik ilinniartitaanermi aallartissapput. Sinneruttunilu sisamani ataasiinnaq kisimi immami angalasimanermik piumasaqaammik naammasisaqarsimasuuvoq. Taamaattumik ataasiinnaq kisiat nalaganngorniarnermik ilinniartitaanermi akuerisaavoq, Erik Fleischer oqarpoq.

Ernumassutigaaa naalaganngorniarluni ilinniartitaanerup Danmarkimut nuunneqarsinnaanera.

- Tamanna kissaatiginartinngilara, 3. gradimut ilinniartut danskisut iluamik oqalussinnaanatillu allassinnaanngitsut Danmarkimi ilinniartitaalissappata qanoq ilillutik angusisinnaassanersut nalunartoqartippara. Taamaattumik 3. gradimut ilinniartitaaneq Nunatsinni ingerlaannartariaqarpoq, oqarpoq.

Erik Fleischerip nalulluinnarpaa qanoq ilioqqissinnaanerlutik.

- Imarsiornermik Ilinniarfiup 1996-imiilli Nuummiit Paamiunut nuunneqarmalli ilinniartut ikiliarutinnavissimapput. Tamatumunnga patsisaasinnaasut amerlapput. Kisianni aamma Namminersornerullutik Oqartussat Nunatsinni inuussutissarsiutit pingaarnerpaannut, tassalu aalisarnermut, iliuuseqannginnerat, Erik Fleischer naggasiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER