Skip to main content

Sungiusarneq: Umiarsuaq takornarianik angallassisartoq ikuallappoq

Kangilinnguani Sakkutooqarfik umiarsuarnik marlunnik peqataatitaqarpoq sungiusarnermi taaguuteqartumi »Northern Deployment«-imi.

Kangilinnguani Sakkutooqarfik ulluni makkunani sungiusarneq taaguutilik »Northern Deployment« ingerlappaa, Kalaallit Nunaata avannaarpiarsuani umiarsuup takornarianik angallassisartup ajutoorneranut sungiusarneq.

ALLAASERISAQ ATUARUK: Umiarsuit angalasut amerlinerat ernummatigineqarpoq

Kalaallit Nunaanni tupassutigineqarpoq umiarsuaq takornarianik angallassisartoq »Quest« junimi 2007-mi Qeqertarsuup eqqaani ikkallimmat untritilippassuarnik ilaasoqarlunilu sulisoqartoq.

ATUARUK ALLAASERISAQ: Disko II ikkarlippoq

Ajoqusertoqanngilaq, kisianni ajutoornerup tamatuma kingornatigut takornarianik angallassisartut umiarsuit Nunatsinnut angalasartut amerligaluttuinnarnerat isiginiarneqartalerpoq, umiarsuaq takornarianik angallassisartoq taliffimmini illoqarfimmi innuttaasunik aamma marloriaatinngortitsisarmat.

Nunarsuatsinni umiarsuarnut angisuunut talittarfiit avannarpasinnerpaartaanni Pituffimmi alapernaarsuutit »Hvidbjørnen« aamma »Ejnar Mikkelsen« taleqqapput sanileriillutik.

Aqagu nalunaaqutaq 14.00 ajutoorneq pisussaanngitsoq, tamarmilli annilaanngatigisaat, pissaaq: »Ejnar Mikkelsen« umiarsuaasaassaaq takornarianik angallassisartoq ajutoortoq »Hvidbjørnen«imillu ikioriartorneqartoq.

Suliassaq annilaajummernaqaaq: Takornarianik angallassisartumi umiarsuarmi ajutoortumi ilaasut sulisullu untritilippassuit ingerlaannartumik ikiorneqartariaqarput, umiarsuarmiittut sinneruttut nunamut apuunneqartariaqarlutik - tassanngaanniillu nunagisaminnut angallanneqartariaqarlutik.

Ullumikkut Qaanaami anoreqanngilaq seqinnarillunilu, kisianni umiarsuarmik ajutoorneq taartumi issittumilu periaannaavoq, umiarsuaq takornarianik angallassisartoq ikuallattoq ikkarlereerlunilu ueruloortoq.

Sermitsiap malinnaavigissavaa »Northern Deployment« »Hvidbjørnen«-imut ilaalluni, aviisimilu aamma nettimi tassanngaanniit allaaserisaqartassalluta.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER