Skip to main content

Tasiorta: Katsorsaanissaq akissaqartissaaq

- Nuummi katsorsaavimmik pisariaqartitsineq erseqqissiartorpoq. Katsorsaanngikkutta inuiaqatigiinnut akisoorujussuanngussaaq, Arnaq Grønvold oqarpoq.

Sinerissami arnanut qimarnguiit ilaqutariinnullu sullissiviit suleqatigalugit kinguaassiuutitigut atornerlunneqarsimasut katsorsarneqarsinnaanngorlugit, taama kissaateqarluni oqarpoq Arnaq Grønvold kinguaassiuutitigut atornerlunneqarsimasut ikiorniarlugit peqatigiiffiup Tasiortap siulittaasua oqartoq, knr.gl allappoq.

Peqatigiiffiup siulittaasua, Arnaq Grønvold, oqarpoq atornerlunneqarsimasunik katsorsaannginneq nunatsinni inuiaqatigiinnut akisuallaartoq.

Isumaginninnermut naalakkersuisoq Maliina Abelsen sisamanngornermi oqarpoq, nunatta isorartunerujussua pissutigalugu kinguaassiuutitigut atornerlunneqarsimasut katsorsartittarfissaannik pilersitsinissaq ajornakusuussasoq. Arnaq Grønvoldip isumaqatiginngilaa.

- Nuummi katsorsaavimmik pisariaqartitsineq erseqqissiartorpoq, taamaattumik katsorsaavimmik pilersitsisoqartariaqarpoq aamma illoqarfiup angissusia pissutigalugu. Qitiusoqarfik pisariaqarpoq tassani aamma ilisimasanik katersisoqassaaq suliniutillu aaqqissuullugit.

Akissaqartinneqartariaqarpoq. Inuit kinguaassiutikkut atornerlunneqarsimasut sullinniaraanni aningaasarpassuit atortariaapput. Misigisapiluit katsorsaanngikkutsigit kingunipiloqarput. Kingunipiluttut taasinnaavagut atornerluineq, nakuuserneq, imminoorneq kiisalu suliffinnik paarsisinnaannginneq. Ungasinnerusoq isigalugu katsorsaannginneq akisoqaaq, Arnaq Grønvold oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER