Meeqqat kannguttaatsuliorfigisat pinerullugit
Ullumi isumasioqatigiinneq aallartittoq, meeqqat atoqatigiinnikkut atornerlunneqarsimasut katorsartittarfissaannik pilersitsinisinissamik siunertaqarpoq. Meeqqanut katsorsaaviit Islandimi USA-milu ullumikkut atugaapput.
Isumasioqatigiinnermi meeqqat atoqatigiinnikkut atornerlunneqarsimasut katorsartittarfissaannik pilersitsinissamik innersuussuteqartoqassaaq. Ullumi misilittagartuut Reyjavikkimi Barnahusidimeersut saqqummiussipput, USA-mit meeqqat sullisiviisa 600 sinnillit nuna tamakkerlugu kattuffiannit saqqummiussisoqarpoq Nunatsinniillu paasisimasallit saqqummiussipput. Isumasioqatigiinnermi Katuami aallartittumi 60-it peqataapput.
- Isumasioqatigiinnermi meeqqat katsorsartillutik illussaanut tunngasinnaasut tamaasa oqaluuserineqassapput, soorlu aningaasaqarneq, katsorsaaneq, illutassaata sumiinnissaa qanorlu aaqqissuussaanissaa kiisalu pisortat aqutaannik suleqatigiinneq, Meeqqat Inuunerissut, Bedre Børneliv, siulittaasuat Line Frederiksen oqarpoq.
Ullumi aallartinnermi ukiut kingulliit Kalaalilt Nunaanni meeqqat kinguaassiutitigut atornerlunneqartunik katsorsaaneq oqaluttuarineqarpoq. Filmi naatsoq piviusorsiortoq takutinneqarpoq, meeqqat atornerlunneqarneranik unnerluussuteqarnerup kingorna susoqartarneranik paasissutissiisoq.
Kirsten Ørgaard, Mælkebøttenimeersoq soqutiginartumik saqqummiussivoq, Mælkebøttenip aallarnisarnerani misilittakkat eqqartorpai. USA-mit Islandimillu saqqummiussisut nunaminni meeqqat illuinit suleriaatsitik, Line Frederiksen sermitsiaq.gl-imut oqarpoq.
Ualimut ”Oqarit! Inuullutillu” takutinneqarpoq, kingorna oqaloqatigiinneqarpoq eqqartuisoqarlunilu qanoq meeqqat katsorsartittarfiat aaqqissuussaanersoq meeqqamullu katsorsaaneq pitsaanerpaaq ingerlanneqarsinnanersoq, pisortatigoortunik assigiinngitsut katersuutsitsinerit pitsaaqqutaat ajoqutaallu eqqartorneqarput.
Aqagu meeqqat katsorsartittarfiata sumik imaqarnissaa eqqartorneqassaaq, assersuutigalugu kikkut katsorsartittassanersut.
Isumasioqatigiinneqareerpat paasisat innersuussutillu allakkiarineqassapput Isumaginninnermut Naalakkersuisumut tunniunneqartussaq.
Suliniaqatigiiffiit neriupput allaatigisaq innersuussutillu meeqqat atornerlunneqartut pillugit suliniartunit atorneqassasut, ajunngilaq peqatigiiffiit suleqatigiillutik.