Nalunaajaasut kalaallisut ilinniarput

Jehovap Nalunaajaasuisa kalaallisut nalunaajaasarnertik nukittorsarpaat Nalunaajaasut danskit kalaallisut pikkorissarnerisigut.

Jehovap Nalunaajaasuisa nittartagaannit. www.watchtower.org

Jehovap Nalunaajaasui 170-t Nuummi katereqqammerput taaguusikkaminnik "Eqqumagit paaralutillu".

Nuummiut 280-t miss. nalunaajaasunut ilaasortaanngikkaluit sapaammi katerisimaartut Katuami naggataarnersiornerannut peqataapput, Erik Mikkelsen oqaluttuarpoq.

Ulluni pingasuni Nalunaajaasut Biibilimi pingaarnersaatitaat itisilerneqarpoq tassaasoq: Guutip Jesus Kristus aqqutigalugu naapertuilluannginnermik ajortunillu tamanik peersitsinissamik piumasaa paradisillu pinngorteqqinneqarnissaanik kissaat, tusagassiisartoq Erik Mikkelsen oqaluttuarpoq.

Ukiut kingulliit Nalunaajaasut arlallit Danmarkimiit Kalaallit Nunaannut nuupput, nuuttunit 22-t katerisimaarnissaq sapaatit akunneri arlallit sioqqullugu oqaatsinik ilinniarneq ingerlappaat.

- Ilinniarnerup siunertaraa kalaallit oqaasii paasissutissiissutigineqarnissaat oqaasilerineq ilinniartullu nunaminnut uterunik oqaatsitigut sakkussaqalernissaat, Jehovamik Nalunaajaasut aqutsisoqarfiannit taama nassuiaasoqarpoq.

Katerisimaartoqarnerata nalaani quppersakkat kalaallisut oqaasertallit pingasut saqqummersinneqarput biibilimik ilinniartitsinermi atugassat.

Eskimologisk Institutimi Københavns Universitetianiittumi Jehovap Nalunaajaasuisa ilaat kalaallisut ilinniartarput. Ukioq atuarfiusoq 2008-2009 semesterit pingajussaanni atuartuni 11-usuni sisamat Jehovap Nalunaajaasorai.

1973-imiilli »Napasuliaq«, naqiterneqartarpoq qaammatillu tamaasa saqqummersarluni.

Jehovap Nalunaajaasuinut ilaasortaq Kalallit Nunaannut tikeqqaartoq 1950-ikkut aallartinnerani tikippoq.

Powered by Labrador CMS