Qaannamik sermersuarmut
Qajartortartut Aalborg Kajakklubbimeersut Kalaallit Nunaaliarnissartik piareersarpaat.
Kalaallit Nunaannut timmisartorluni billitsit akikinnerumaat neqeroorutigineqarnerinit aallartippoq. Canadaliarnissamik pilersaarut qatangiinnariarmat Jan Kristensen Nicolai Vangsgaard Aalborg Kajakklubbimeersut pileritsapput: Soormi Uummannakkoorluni Nuummiit sermersuup tungaanut qajartortoqarsinnaanerluni?
- Suli naluarput qanoq qanillattortigissanerlutigu. Pilersaarutigaarpulli sermik uukkartartoq kangerluup iluaniittoq tikinniarlutigu, Nicolai Vangsgaard nordjyske.dk-mut oqaluttuarpoq.
Taanna ukiorpassuarni kajartornermik soqutigisaqarpoq, silamili sammisassat allat aamma soqutigisarai. Siornatigut Nicolai Vangsgaard Mont Blanc qaqinikuuaa poorskikkunnilu Islandimi qaqqasiorpoq.
Nicolai naapertorlugu ullut qulit ingerlaneranni marloriarlutik 130 kilometeri paartussaavaat. Aggustip 15-ianni aallarunik 25-anni utersimanissartik naatsorsuutigaaat. Sila ajussagaluarpat uninngaartarnissartik naatsorsuutaannut aamma ilaapput.
- Soorunami silap qanoq innissaa angalanissatsinni apeqqutaassaqaaq, Nicolai oqarpoq.
- Imaq nillertorujussuuvoq piffissarlu sivisoorujussuaq atortussat atisassallu pissarsiariniarpagut. Naak sineriak sinerlugu angalasussaagaluarluta ikaagassatta ilaat imaannaanngillat. Immamut nakkassagaluarutta imaannaanavianngilaq, Nicolai naggasiivoq.