Skip to main content

AG-mi porno-bloggeri

Nutaarsiassaqartitsivittut nittartagaq ag.gl bloggerimik atornerlunneqarpoq, taanna allaaserisanik pornomut tunngasunik aamma pornomik isiginnaagassanut ingerlaqqiffimmik ikkussisimavoq. AG-mi ingerlatsinermut siunnersorti oqarpoq taamatut pisoqaqqissinnaasoq.

Nutaarsiassat akornanni porno pillugu allaaserisanut ussassaarutit, tamanna Kalaallit Nunaanni aamma nunarsuup sinnerani ag.gl-imik atuartartut marlunngormat ullaakkut takusinnaavaat. Bloggeri isumassarsiullaqqissoq »Katie Hoff« nutaarsiassaqartitsivimmi porno pillugu allaaserisanik ussassaarivoq pornomullu ingerlaqqiffissamik ikkussisimalluni.

– Ilanngunneqarsimasut paquminartuupput tamaattumik bloggimi allaaserisaq taanna atorsinnaajunnaartipparput, AG-mi ingerlatsinnermut siunnersorti Henrik Broberg oqarpoq.

Bloggitut ilanngussaq nutaarsiassaqartitsivimmi nal. 05.58 saqqummerpoq tamannalu aammattaaq siunissami pisinnaavoq, tassa pornomut ingerlaqqiffissat (links) aamma ussassaarutit ag.gl-imut ikkunneqarsinnaallutik.

Tassami nittartakkami nutaarsiassaqartitsivimmi ulloq unnuarlu tamakkerlugu killilersuut atuuttanngilaq, taamaallaat ulluunerani. Taamaattumik pornomik nuannarisalinnut allanullu niuertunut ag.gl-imut ikkussisinnaaneq unnuap ingerlanerani ajornaquteqanngilaq, tamanna AG-mi ingerlatsinermut siunnersortip uppernarsarpaa.

Siunissami tamatuma pinngitsooneqarnissaa qulakkeersinnaavisiuk?

– Naamik, taamaaliortoqarsinnaanngilaq. Kinaluunniit Wordpressimik (Qarasaasiami atortoq ammaannartoq Open-source software ag.gl-imit atorneqartoq aaqq.) atuisoq oqaloqatigisinnaavat. Tamannalu uagut 100 procentimik pinngitsoortinnissaa qulakkeersinnaanngilarput. Uagut inuit blogimik pilersitsiniartut unitsissinnaanngilagut, kisianni atuisugut aaqqissuussinnaavagut moderatori (killilersuut nuts.) atorlugu, tassuunakkut takusinnaavagut suut ikkussimaneraat. Uangalu isumaqarpunga tamanna pilertortumik iluarsisarlutigu, Henrik Broberg oqarpoq.

Unnuakkut moderatori ikkusimanngippat taava tamanna matusinnaannginnassiuk?

– Naamik taamak iliortoqarsinnaanngilaq. Unnuaanerani nittartagaq matuneqarsinnaanngilaq. Tassa isummat nittartakkanut tunngasut ataatsimut isigalugit taamaappoq, tassalu taannarpiaq ulloq unnuarlu nalunaaquttap akunneri 24-t ammasussaapput, Henrik Broberg nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER