Skip to main content

Demokrati naalagaaffillu atugarissaartoq

Atuagaq nutaaq »Democracy and the Welfare State – the Nordic Nations Since 1800« nunat avannarliit ukiut kingulliit 200-t ineriartorneranni oqaluttuartoq saqqummersinneqarpoq, namminersornerullutik oqartussaaneq aamma allaaserineqarpoq.

Atuagaq kikkunnut tamanut soqutiginaateqarpoq nunani avannarlerni ukiuni kingullerni 200-ni ingeriartornermik ilisimasaqalerusuttunut, Turbinforlaget allappoq.

Atuagaq ilisarititsinermik aallartippoq nunat avannarliit oqaluttuarisaanerini assigiissutit assigiinngissutillu allaaserineqarmata.

Allaaserisani nunat oqaluttuarisaanerat ullumi pisut tikillugit saqqummiunneqarput politikkikkut, aningaasarsiornikkut, inuit atugaasigut kulturikkullu ineriartorneq pingaartinneqarnerullutik.

Atuakkap siunertaraa naalagaaffiit nunalerinermik inuussutissarsiuteqarlutik kisermaasisunik naalakkersuisoqarsimasuniit, sorsunnersuup kingorna demokratiskimik aqutsisoqalerlutik atugarissaarfiullutik naalagaaffinngornerannik ersersitsiniaaneq.

Atuakkami pingaartinneqarpoq immikkut eqqarsartaasillit inuillu soqutigisaqaqatigiit nunat avannarliit politikkikkut kultureqarnikkullu ineriartornermut qanoq sunniuteqartigisimanerat allaaserissallugu.

Soqutigisaqaqatigiit tamakku nunaminnut pingaartitsisunit naalakkersuinermilu oqaasissaqaqataanissamik eqqarsartaasillinnit, nuannaartorisanit socialdemokratiskiusunit, upperisarsiortunit allanillu inuit soqutigisartik aallaavigalugu sammisalinnit sunnigaasimapput.

Atuagaq naqiterisitsisarfimmit Turbinemit aggustip arfernani saqqummersinneqassaaq, Siri Ingvaldsen, Thomas Larsson aama Erik Overgaard Pedersenimit tuluttut allataavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER