Ilinniartitsisunngortussat 48-t

Ilinniarfissuup ukioq manna ilinniartitsisunngorniat nutaat tikilluaqquai.

Ilinniartitsisunngorniat nutaat 48-t ullup qeqqata siornatigut Kalaallit Nunaata Seminariaanit Ilinniarfissuarmit tikilluaqquneqarput. Assiliisoq: Dorthe Korneliussen.

Rektor Dorthe Korneliussenip aamma Ilinniarfissuarmi Nuummiittumi ilinniartitsisoqatigiit ullumi ullup qeqqata siornatigut nalunaaqutaq qulinut Nunatsinni ilinniarfiit pisoqaanersaannut ilinniartitsisunngorniarlutik aallartittut tikilluaqquaat.

Nuannisaaqatigereerlutik imminnut assamminnertalimmik ilassereerlutik ataatsimullu erinarsoqatigiittoqareermat Nunatsinni tamaneersut ilinniartitsisunngorniat ukiuni sisamani ilinniarnissartik, teoreertarnermik praktikkertarnermillu paarlakaattarlugit ingerlanneqartussaq, aallartereerpaat.

– Ilinniartitsisunngorniartarneq ullumikkut bachelorinngorniarnertut Kalaallit Nunaata universiteteqarfiani Ilimmarfimmi ingerlanneqartarpoq, Dorthe Korneliussen oqaluttuarpoq, aningaasarsiatigut atorfinitsinneqarnikkullu kiisalu ilinniaqqinnissamut pitsaasunik neqerooruteqartarnerup ilinniartitsisunngorniartarneq ilinniakkanut allanut naleqqersuunneqarluarsinnaavoq.

Nunatsinnilu ilinniartitsisussaaleqineq pissutigalugu ilinniartitsisunngorniat nutaat 48-t pinngitsooratik atorfeqalernissaat qularnartinngilluarnarpaa.

– Januarimi sumiiffimmi ilinniartitsisunngorniartut allat 25-t aallartissapput, rektor Dorthe Korneliussen sermitsiaq.gl-imut oqarpoq.

Powered by Labrador CMS