Piffissaqaleruit poortukkat nassiutikkit
TELE-POST nammineq nassitsisinnaanermut automatinik illoqarfinni sisamani ikkussuivoq, ammasarfiit avataatigut inuit nassitsisinnaaniassammata.
TELE-POST nammineq nassitsisinnaanermut automatinik Uummannami, Kangerlussuarmi, Narsami aamma Nuummi ikkussuivoq, TELE-POSTip ammasarfiisa avataatigut poortukkanik inuit nassitsisinnaasalerniassammata. Automatit atorneqarsinnaasassapput piffissami postboksit ammasarfiisa nalaanni.
– Nammineq nassitsisinnaanermut automatit atorlugit allakkanik poortukkanillu nassitsisoqarsinnaasassaaq. Nalinginnaasut aamma sillimmasikkat. Aamma periarfissaqassaaq nipitittakkanik pisisinnaanissamut. Taamaattumik tamakkusiniarlutik TELE-POST-ip ammanerata nalaani pisisarnissat pisariaarutissaaq, illilli piffissaqaleruit pisisarsinnaassallutit, TELE-POSTip pisortaa, Per Svendsen oqarpoq.
Automatit isiginnaarutitaqassapput, tassuuna nammineq toqqarsinnaavat kalaalit, qallunaatut imaluunniit tuluttut innersuunneqarnissat.
– Neriuppugut automatit pisisartutsinnit iluarineqarluarnissaat. Tamanna pisisartutsinnit iluarineqarluarpat, naatsorsuutigaarpullu, taava Kalaallit Nunaanni illoqarfinni suli amerlanerusuni ikkussuinissarput naatsorsuutigaarput, pisortaq Per Svendsen oqarpoq.