HTX-inngorniartut nutaat 75-it
Sanaartornermik Ilinniarfimmi Sisimiuniittumi aggustip ulluisa 18-ianni 2009 HTX-imik ilinnialersut nutaat 75-it ilanngullugit maanna katillugit 182-it HTX-imik ilinniagaqartuupput.
- HTX-imik ilinniartitaaneq 2000-imi aallartimmat ilinniarlutik aallartittut 42-pput. Ullumikkut 182-it ilinniartuupput, HTX-imilu siuariarnerup takutippaa matematikimik, teknikkimik, teknologimik aamma pinngortitaq pillugu ilinniartitaaneq inuusuttut akornanni soqutigineqaqisoq, taamatut allappoq Teknisk Gymnasiami inspektør, Poul V. Jensen, tusagassiuutitigut nalunaarummi.
HTX-imik ilinniartut ukioq manna aamma illoqarfimmi ilinniarfigisaminnut suliniuteqassapput, inuiaqatigiinni utoqqarnut, suliffeqarfinnut aamma meeqqerivinnut il.il. Suliniutit tamakku ilinniarfigisaminni illoqarfimmi iluaqutaassapput, soorlu aamma inuusuttut Sisimiunilu innuttaasut imminnut inuttut attaveqaqatigiinnikkut paarlaasseqatigiinnissaannut suliniutit iluaqutaassasuttaaq. HTX-imut pingaaruteqarpoq illoqarfimmi inuiaqatigiinnut akuulernissaq ineriartornissarlu, nunarsuatsinni pisunut allanut malinnaaneq ilutigalugu.
HTX-imik ilinniartitaaneq ukiunik pingasunik sivisussuseqarpoq inuussutissarsiornermullu samminerutillugu ilinniarnertuunngorniarnerulluni teknologimut aamma pinngortitaq pillugu ilinniartitaanermut samminerusoq. Ilinniartitaanerup ilaa sannavinni, laboratoriani aammalu pinngortitami ingerlanneqartarpoq.
2. HTX-imi aamma 3. HTX-imi ilinniartut aggustip ulluisa aqqarnganni atualerput.