Skip to main content

Neqilerisut soraarsitat Kalaallit Nunaannut

Holstebromi puulukinik toqoraavimmi neqilerisut qulit soraarsitat Kalaallit Nunaannut suliartussapput.

Uumasunik toqoraavik juunip qeqqani matuneqarpoq sulisartullu 463-it suliffissaaleqisunngortillugit.

Jyllandip kitaani neqilerisut illoqarfimmi Narsami Kalaallit Nunaata kujataatungaaniittumik sulissapput. Tamaanilu septembarimi aamma oktobarimi uumasunik toqoraaviusartumi sulissallutik, dr.dk allaasserisaqarpoq.

Steen Hartmann, sulisartut kattuffianni NFF-imi neqilerisut kattuffiani immikkoortortaqarfimmi siulittaasuusoq assut iluarusuppoq.

- Tamatumani takutinneqarpoq uagut ilaasortagut nikeriataarsinnaasuusut. Neqilerisut ilinniagartik atorusuppaat, kiisalu aammattaaq taamaaliornermikkut misigisaqassallutik, oqarpoq.

Steen Hartmann aammattaaq isumaqarpoq, siunissami neqilerisut septembarimi aamma oktobarimi Kalaallit Nunaannut suliartortarnissaat misigineqartarumaartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER