Roaming akisooq mianersuutigiuk
Atuisartut Allatseqarfiata nunami allamiinnermi internet aqqutigalugu Nunatsinnit mobiltelefonit atorlugit sianertarnermi akit qaffasissut mianersoqqussutigai.
Marlunngormat sermitsiaq.gl allanneratuut pitsaaquteqarpoq nunami allamiinnermi mobilikkut attaveqaatitigut periarfissat allat atorlugit attaveqarsinnaanermi.
Atuisartut Allatseqarfiata atuisartunut inassutigaa immikkut maluginiarneqartariaqartut akit toqqorsimasut, soorlu ilaatigut akeqanngitsumik internettikkut attaveqaasersuinermi.
- Atuisup assersuutigalugu akeqanngitsumik internettikkut atteqaaserneqarneq, taava sermitsiaq.gl-ip allaaserisaa tunngavissaqarluarpoq. Atuisartulli maluginiaqqissaartariaqarpaa internettimut attaveqaaserneqarneq akeqarnersoq, fuldmægtig Mark Larsen Atuisartunut Siunnersuisoqatigiinneersoq oqarpoq.
Taassuma mianersuutigeqquaa atuisartut mianerissammassuk Skype IP-telefoniunersoq. Taamaattumik internetti taamatut attaveqaateqarnermi atorneqartarpoq.
- Atuisartup immikkut maluginiartariaqarpaa akit immikkut ittut, tassa roamingimi akigitinneqartartut, taakku nunami allami mobilnettimit internettimut attaveqaaserneqarnermi akilersinneqartarput.
Atuisartut Allatseqarfiata ilisimavai roamingimi akit, megabytemut ataatsimut 2-300 koruuneqartartut, ilisimatitsivoq.