Suliumajunnaarneq siusinnerpaamik pingasunngorpat

Sapaatip akunnerata naanerani isumaqatigiinneriarnerit ajalusoorpata Air Greenlandip ilaasui pingasunngorpaminngaanniit eqqorneqassapput.

Illua'tungeriit isumaqatigiissuteqanngippata Air Greenlandip timmisartui Dash-7, Airbus aamma Boeing pingasunngornermiit nunamiiginnalersinnaapput. Ass.: Leiff Josefsen

Maannakkorpiaq illua'tungeriit isumaqatigiinniarput, isumaqatigiissuteqartoqanngippalli tullianik pingasunngornermiit suliumajunnaartoqalissaaq, taamatut allappoq ag.gl.

Air Greenlandimi timmisartumi saqisut suliumajunnaarnissamik nalunaaruteqarsimapput, Air Greenlandillu akisilluni mattussinissamik nalunaaruteqarluni. Illu'atungeriit tallimanngormat oqaatigerusunngilaat isumaqatigiinniarnerit qanoq ingerlanersut.

Suliumajunaartoqassappat Air Greenland ilaasussat inniminniinerinik allanngortiterissaaq immaqalu billetsit tamaasa utertissallugit. Aamma billetsit killillit, paasissutissiinermut pisortaq Pia C. Bang ullumi Sermitsiami saqqummersumi paasissutissiivoq.

Powered by Labrador CMS