Skip to main content

Timisartuni suliumajunnaarneq: Toqqaanartumik saaffiginnittarfik sapaatiuppat piariissaaq

Air Greenlandip sapaatiuppat oqarasuaatikkut toqqaannartumik saaffiginnittarfik ammassavaa, ilaasussat suliumajunnaarnermik eqqugaasut tassunga saaffiginnittarsinnaapput.

Oqarasuaatip normua tassaavoq 34 33 44 taamatuttaarlu aamma suliffeqarfik attaveqarfigineqarsinnaavoq ugguuna kontakt@airgreenland.gl. Ullut tamaasa ammasassaaq piffissami 08:00-imit 20:00-imut nunatta kitaani nalunaaqutaq malillugu, taamaattoqassaarlu sapaatiuppamiit suliumajunnaarneq aamma suliumajunnaarnissamik ilimasaaruteqarnerup qaangiunnissaata tungaanut, tuniniaanermut aamma nittarsaassinermut pisortaq Christian Keldsen nalunaarpoq.

Naatsorsuutigineqarpoq suliumajunnaarneq sisamanngorneq 23. juuli aallarnerfigalugu piviusunngussasoq, taamaattumillu Air Greenlandip sisamanngorpat ilaasussat sapinngisamik amerlanersaat aallarfissanut ullunut allanut nuutsinniarsarivai. Air Greenlandimit ilaasussat aallarnissaminnik ullunut allannut nuutsitsinissamut periarfissallit, siusinnerusukkut aallarnissaannik neqeroorfiginiarlugit toqqaannartumik saaffigineqartarput.

Allanngortinneqarsinnaasumik (qorsuk) angalanissamik pisisimagaanni tamanna piumasaqaatitaqanngitsumik allanngortinneqarsinnaavoq taamaatinneqarsinnaallunilu, taamaattorlu allanngortinneqarsinnaanngitsumik (aappalaartoq) angalanissamik pisisimagaanni tamanna periarfissaq atorneqarsinnaanngilaq. Suliumajunnaarnermik eqqugaanermi (ulloq aallarfissaq), taava killilersuutit taakku Air Greenlandimit atorunnaarsinneqassapput, taamaalilluni taamaatitsiinnartoqarsinnaalissaaq aamma tamanna kissaatigigaanni utertitsisoqarsinnaassalluni.

Taamatuttaarlu sisamanngornermi angalasussat allanngortinneqarsinnaanngitsumik bilitsillit inissaqartitsineq tunngavigalugu angalanissaat piffissamut allamut nuunniarneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER