Angalasut namminneq Air Greenlandimut saaffiginnissapput
Timmisartortitseqatigiiffiup ilaasut kajumissaarpai namminneq saaffiginneqqullugit, sisamanngorpat timmisartumi saqisut suliumajunnaarnissaasa kingunerisaanik billetsii allanngortinneqassappata.
Air Greenlandip "suliumajunnaarnermi saaffiginnittarfianik" taaneqartoq sapaatiuppat juulip 19-ianniit ammassaaq ullullu tamaasa kitaani nalunaaqutaq malillugu nal. 08:00 aamma 20:00 akornanni ammasassalluni.
Selskabip ilaasut sisamanngorpat aallartussaagaluit attaveqarfigileruttorpai, ajornanngippat billetsiisa allanngortinnissaat siunertaralugu.
Ilaasulli amerlasuut attaveqarfigiuminaassimapput, tassa tamakkua angalanissaat suliffiannit imaluunniit angalatitseqatigiiffinnit inniminnerneqarsimammata, atuisartullu telefoniisa normui allassimanatik.
Air Greenlandip angalasut, sisamanngornermi juulip 23-ianni aallarniartut, kajumissaarpai aallarnissamik allanngortinnissaanut periarfissat misissoqqullugit, namminnerlu Air Greenlandip saaffiginnittarfianut attaveqaqqullugit toqqaannartumik uuna kontakt@airgreenland.gl imaluunniit telefonimut 34 33 44-mut, ammanerup nalaani.