Air Greenland periarfissarsivoq
Islandimiut timmisartortitseqatigiiffiata nunatsinnut timmisartuussisarnermi amerlinissaat eqqarsaatigaa, Air Greenlandimi suliumajunnaarneq sivitsussappat.
Killeqarpoq Air Iceland qanoq pissarsisinnaatigissanersoq, Air Greenlandip timmisartui sisamanngorpat ullaakkumiit timmiunnaarpata.
– Periarfissavut maannakkorpiaq killilerujussuupput. Angalaffiuleruttorpoq timmisartuvullu tamaasa atorpavut, Air Icelandimi pisortaaneq Arní Gunnarsoq sermitsiaq.gl-imut oqarpoq.
PIsortalli tunuartikkusunngilaa Air Greenlandimi timmisartumi saqisut suliumajunnaarnerisa kingunerisinnaagaa Air Icelandip nunatsinnut timmisartuussinerminik annertusisitsinissaa.
– Suliumajunnaarneq sivitsussappat isumaqarpunga aallarnerit amerlanerusut aaqqissuussinnaassallutigit. Inissalli annertusinissaat unammilligassaassaaq, timmisartut sulisullu eqqarsatigalugit, Arní Gunnarsson oqarpoq.
Air Iceland ukioq manna nunatsinni sumunngarfinnit tallimanit sapaatip akunneranut timmisartuussisarpoq. Nuummiit sapaatip akunnernut sisamariarluni, Ilulissanit, Narsarsuarmit Nerlerillu Inaannit sapaatip akunneranut marloriarluni tunumilu Kulusummuyt ullormut pingasoriarluni.
Selskabip pisortaa naapertorlugu timmisartut ilaasoqarluartarput, pingaartumik Ilulissaniit Nuummiillu.