Skip to main content

Imminut illersorniarluni Nanoq saluttoq aallaneqarpoq

Nanup perlilersup saloqisullu Svalbardimi angut upakkaluarpaa. Taama allappoq www.svalbardposten.no.

– Sysselmandi angummit nannumik aallaannissimasumik sianerfigineqarpoq. Angutip nanoq arlaleriarluni qunusaarlugu igittarsimagaluarpoq, tamannali nannup unissutigisimanngilaa. Naggataatigullu meterinik 15-iinnarnik ungasitsigilermat aallaasariaqarsimavaa.

Taama oqaluttuarpoq Per Andreassen, Svalbardimi Sysselmandimi nakkutilliisutut sulisoq tusagassiorfimmut www.svalbardposten.no-imut.

Angutip qimmini kisiat ilagalugu pisuttuarluni nanoq naammattoorsimavaa. Angullu taanna nammineq satellit-telefoni atorlugu pisoq pillugu Sysselmandimut siarnerpoq oqaluttuarlunilu.

– Tassanngaannarlu oqarpoq: Ilisariaqalerpara, aamma aana nanorsuaq alla aggerpoq. Tamatuma kingorna angut attaveqarfigisinnaajunnaarparput. Taamaalillunilu pisoq allanngorpoq qulimiguulimmik annaassiniarninngorluni, Andreassen oqaluttuarpoq.

Sysselmandip nanoq toqungasoq najugaqarfiup avannaatungaani nanivaa, tamatumalu kinguninnguatigut angut illuaqqamut qimaasimasoq aamma nanillugu. Unnuk taanna siusinnerusukkut attaveqaqqissinnaajunnaarnermut patsisaasoq tassaavoq oqarasuaatip orsuerussimanera.

Ippassaq ullaatungaani nanoq illoqarfimmut Longyearimut tikiunneqarpoq. Paasineqarporlu nanoq angutiviaasoq assut saluttoq taamaallaat 200 kiilut sinnilaarlugit oqimaassusilik, nannumut angutivissamut inersimasumut assut annikilluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER