Skip to main content

Suliumajunnaartoqarnissaa takornariaqartitsinermi ernumagaat

Suliumajunnaarneq sivisooq Kalaallit Nunaanni takornariaqartitsinermi ingerlataqartunut akisoorujussuusinnavoq, tamanna aningaasarsiornikkut ajornartoornermi annertuumik eqqugaareersimavoq.

Kalaallit Nunaanni Takornariaqarnermut Inuussutissarsiornermullu Siunnersuisooqatigiit (GTE), Kujataani, Qeqqani aamma Kalaallit Nunaata Avannaani qitiusumik tajornariaqarnermut ingerlatsivinnut sianeqattaarsimanerisa takutippaat.

- Takornariaqartitsinermi suliallit ukioq naallugu kaaviaartitassamik amerlanersaat aasaanerani qaammatini marlunni isertittarpaat. Taamaattumik immini erseqqereerpoq suliumajunnaarneq immaqa sapaatit akunnerannik ataatsimik sivisussuseqarsinnaasoq, takornariartitsinermi sullissinut ataasiakkaanut toqqaannartumik naatsorsuutini takuneqarsinnaassasoq, Thomas Rosenkrands, GTE-mit tusagassiutitigut nalunaarut tunngavigalugu oqarpoq.

Takornariartitsinermik suliaqartut akornanni amerlanerussuteqartut assorsuaq ugguaraat suliumajunnaartoqarsinnaaneranik ilimasaaruteqarneq aningaasarsiornikkut ajornartorsiornermi ajoqisumi qangali misigisimanngisap nalaani pimmat.

Kaaviaatitsinermi annaasaqaatini annaasat kiisalu atorneqartussat atorneqanngitsoornerisa takornariaqartitsinermi sullissisut toqqaannartumik kisiisa eqqussanngilai, kisianni aamma tuniniaavigisartakkat allat soorlu angallatit ilaasunik ingerlassisartut, akunnittarfiit aamma neriniartarfiillu eqqorneqassapput.

– Akunnittarfiit oqaloqatigisimasagut immaqa annikinnerusumik eqqorneqassapput, tassami ineqartitat aallarsinnaanngitsut, soorunami inissaqartariaqarput aamma siniffissaqartariaqarput, kisianni qularutissaanngilaq kikkut tamarmik soqutigisaat tunngavigalugit suliumajunnaarnissaq pinngitsoortinneqarsinnaappat, tassami inuussutissarsiummi pineqartumi - kiisalu aamma inuit nalinginnaasut - tamarmik pinngitsoorsinnaanngilluinnarmassuk timmisartuutileqatigiit avatitsinnut angalanissamut qitiulluinnartoq, Thomas Rosenkrands oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER