Skip to main content

Suliumajunnaarneq Facebook-iliuullugu

– Meeqqantut nukatsitatut pissusilersorput, Angunnguaq S. L. Pedersen oqarpoq. Taanna Facebook-iomi gruppiliorsimavoq, tassani kajumissaarutigineqarluni Air Greenlandimi timmisartumi saqisut taarse rneqassasut.

Danmarkimut pikkorissariarnissami annaanissaa aammalu Norgemi studentinngoqatigisimasaminik ukiunik qulinngortorsioriartornissami annaanissaa pakatsissutigalugu Angunnguaq Stig Lennert Pedersen Facebookimi gruppiliorpoq.

– Isumaqarluinnarpunga nunarsuarmi ajornartorsiorneq artukkiisoq. Danmarkimi qaffasissumik ilinniagaqallit suliffissaaleqipput. Taakkualu (timmisartumi saqisut, aaqqiss.) meerapalaatut nukatsitatut pissusilersorput, IT-mi siunnersorti Angunnguaq S. L. Pedersen sermitsiaq.gl-imut oqarpoq.

Facebookimi gruppip kajumissaarutigaa Air Greenlandimi timmisartumi saqisut naammaginninngitsut taarserneqassasut, maanna sulinermi atugassarisanik naammaginnissinnaasunik.

– Isumaqarpit Facebook-imi gruppiliorneq iluaqutaassasoq?

– Naluara. Tamanna aatsaat misilippara, Angunnguaq S. L. Pedersen oqarpoq.

Taassuma Facebookimi gruppiata "Air Greenland, saqisutut suliat suliarinnittussarsiuussigit MASSAKKUT", ilaatigut tunngavilersuutinik makkuninnga imaqarpoq:

"Ilumut inuiaat kalaallit ukiut allortarlugit sallunaveeqqutitut tigusarineqartassappat sinerissamilu nunanullu allanut angalanissaat aserorlugu? Takornariat agginngitsoornissaat, taarsiullugulu allani aningaasaatiminnik atuinissaat akissaqartipparput?

Taamaattumik siunnersuuterput ajornaatsuuvoq - saqisutut sulisut ingerlataat suliarinnittussarsiuuussiuk ajornartorsiutit tamakkua nanginneqaqqeqqunagit.

Suliarinnittussarsiuussinerup qularnanngilluinnartumik kingunerissavaa kalaallisut oqalussinnaanngitsut sulisorineqalissasut, tamannalu annaasaqarnerussaaq. Aappaatigut isumannaatsuunikkut najoqqutassiat imatut immiunneqarsimapput, paasissutissat pingaaruteqarnerpaat suli kalaallisut pissarsiarineqarsinnaallutik.

Naggataatigut kalaalerpassuaqarunarpoq maanna sulinermi atugassaritinneqartunik, akissarsiaminnik pausiminnillu naammagisimaarinnittunik. Taamaattumik timmisartumi saqisut tamaaa taasernerat iluaqutaaginnassaaq."

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER