Tasiilami inuussuttut amerlanerit ilinniaqalerniarlput

Ukioq manna inuusuttut ilinniakkamik aallatitsillutik ingerlaqqinniartut eqqarsaatigalugit Tasiilaq rekortiliivoq. Kisianni ilaannamininnngui ilinniaqarnissaminnut tiguneqarsinnaapput.

Tasiilami inuusuttut ilinniagaqaqqinniarlutik ukioq manna qinnuteqartut rekortiliipput. Kisianni taakku ilaannamineerannguisa ilinniarfinni aallartinnissartik naatsorsuutigisinnaavaat.

Ilinniartitaanermut siunnersortit Erik Angenold ineriartornermut aamma aallarnissanermut ilinniarfimmi, Piareersarfik TII-meersoq, oqarpoq, qinnuteqarsimasut 217-iusut, sermersooq.gl-imi allaaserinnittoqarpoq.

– Taakku siornamut sanilliussilluni 33-nik amerlanerupput. Tamatumunnga pissutaavoq maannakkut inuusuttuaqqat 10. Klassi tikillugu atuarsinnaalersimanerat, oqarpoq.

Taamak amerlatigisunik qinnuteqartoqarnerata kingunerissinnaanngilaa, qinnuteqartut tamarmik inuusuttut- imaluunniit iniuussutissarsiornermik ilinniarfinni aallartissinnaanerat.

– Siorna 184-inik qinnuteqaateqartoqarpugut, kisianni taakkunannga taamaallaat 30 inuussutisarsiornermut ilinniarfimmi imaluunniit inuusuttut ilinniarfianni tiguneqarlutik aallartipput, Erik Angenold oqarpoq.

Tasiilami suliffissamik pisarsinissap assorsuaq ajonarnera pissutigalugu, inuusuttuaqqat amerlasuut meeqqat atuarfianniit anisarput suliffissaaleqisunullu ilanngutiinnartarlutik, naak taakku namminneq ilinniagaqarlerlutik ingerlaqqinnissartik kissaatigigaluarlugu.

Piareersarfik TII inuusuttuaqqanik amerlanerusunik tigusisinnaagaluarpoq, kisianni Tasiilami ilinniagaqarnermut atatillugu sulilluni sungiusarfissat amerlannginnerat pissutaalluni taava tamanna nammineq killiliisarpoq.

- Maannakkut maani illoqarfitsinni suliffeqarfinni ilinniarnerminnut atatillugu sungiusarfissaminnik pissarsisimasut 20-pput. Uagut aamma allat kitaani sinerissamut qitiusumik ilinniarfinnut atuarfimmi sulinermut sungiusartussanngorlugit aallartissinnaagaluarpagut. Kisianni aamma qanoq amerlatigisut taamaatut aallartinneqarsinnaanerat killeqarpoq, ilinniartitaanermut siunnersorti oqarpoq.

Maannakkorpiaq Piareersarfimmit misissorneqqarpoq inuusuttuaqqat amerlasuut illinniagaqaqqinnissamut periarfissaat misissorneqarpoq.

Powered by Labrador CMS