Skip to main content

Nuuk inissianik attartugassanik nutaanik peqalerpoq

Inissiat siulliit illoqarfiup immikkoortuani nutaami Akunnerni maanna iserterfigineqarnissamut piareerput. Nunatsinni illoqarfiit pingaarnersaanni aatsaat ukiuni tallimani nalinginnaasunik inissianik peqaleqqippoq.

Kommuneqarfik Sermersuup inissiaatileqatigiiffiata Iserip blokkit sisamaasut siullersaat qanittukkut tiguaa illoqarfiup immikkoortuani nutaami Akunnerniittoq, taamatut allaaserisaqarpoq sermersooq.gl.

Kommuneqarfik Sermersuumi atorfillit aamma inissaminnik utaqqisut allattorsimaffianni assigiinngitsuniittut inissiani nutaani pilerinartuni blokkini sisamaasuni inissiani 48-suni elevatorilinnilu ineqalissapput.

- Inissaminnik utaqqisut allattorsimaffianni assigiinngitsuni allatsissimasut siulliit inissianut 12-inut siullernut nutsersinnaapput, pisortaagallartoq Torben Kortegaard, inissiaatileqatigiiffimmit Iseritimiit sermersooq.gl-imut oqarpoq.

Blokkit sisamat taakku illoqarfiit pingaarnersaannut inissianik pisariaqartitseqisumut iluaqutaassaqaat. Tassani nalinginnaasumik inissaminnik utaqqisut Iseritimi allatsissimasut agguaqatigiissillugu ukiuni 15-ini inissaminnik utaqqisarput. Utaqqinermi apeqqutaasarpoq qanoq angitigisumik inissarsiortup piumasaqarnera naapertorlugu.

Kingullermik Nuuk inissianik nalinginnaasunik pissarsinera pivoq 2004-mi, tassani Nukallormi inissianik 48-nik kommuni siullermik sulisuminut pissarsimmat. 2006-imiilli, inissiaatileqatigiiffik Iserit pilersinneqarmalli, inissarsiortut allat kommunip inissiaataanik aamma attartortuusarput.

Blokkit taakku sisamat 100 millionit koruunit missaannik akeqassapput. aaqqissuisoqarfik

Kommuneqarfik Sermersooq Qinngutsinni aamma allanik inissianik 72-inik sanaartortitsinissamut pilersaaruteqarpoq. Inissiaatileqatigiiffiup naatsorsuutigaa taakku 2010-mi 2011-miluunniit iserterfigineqarnissamut piariissasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER