Skip to main content

Ludomani nalaataqarnerlussimanerup kinguneraa

Pinnguaatinik aningaasannanniutinik Kalaallit Nunaanni pinnguarumatunersuaq tatiginninnginnermik aamma meraanermit nalaataqarnerlussimanermit tunngaveqarpoq, ilisimatusarnermik sulialik oqarpoq.

– Inuup aningaasannanniarluni pinnguaatinik pinnguarumatunersua misissorniaraanni pinngitsoorneqarsinnaanngila inuup pineqartup meraanermini atugarisimasai, ph.d.-inngorniarluni ilisimatusartoq Christina Viskum Lytken Larsen nunatsiaqonline.ca tunngavigalugu oqarpoq.

Kalaallit amerlasuut aningaasannanniutinut lotto, bingo, inukkannermut aamma ikisilluni aningaasanoorutinut saattarput tamatumunngalu tunngaviupput meeraanermit nalaataqarnerlussimanerit aamma ataatsimut isigalugu inunnik allanik tatigisaqannginneq, Christina Larsen oqarpoq.

Ilisimatusarnermik suliallip tikkuarpaa aningaasanoornissamik kajungerinninneq nalorninermik tunngaveqartoq, tamatumunngalu pissutaasoq tassaasoq qangaaniit inooriaatsimiit inooriaatsimut nutaaliaasumut ikaarsaariarneq.

– Meeraanermi nalornisimanerup meeqqanut ajornarsisittarpaa inuunerup ingerlanerani tatiginnilluni misigissuseqarsinnaaneq. Tamatumunngalu taarsiullugu aningaasanoorneq imaluunniit pinngitsoorsinnaajunnaagaq alla aarlerinanngitsutut saammarsaatitullu ujartulertarpaat, Christina Viskum Lytken Larsen oqarpoq.

Ilisimatusarluni suliaa saqqummiunneqarpoq nakorsat issittumi ilisimatuarneq tunngavigalugu Yellowknife-mi isumasioqatigiinneranni tallimanngormat naammassisumi. Tassani Christina Larsen ilisimatusarluni suliani tunngavigalugu akissarsisinneqarpoq taaguuteqartumik »Jens Peder Hart Hansen Memorial Fund«.

Ph.d.-inngorniarluni suliami »Pengespil og folkesundhed – hvad er egentlig på spil?« kalaallit 18-nit sinerlugit ukiullit 1500 peqataapput. Inuit sisamaagaangata pingaut sapaatit akunnerisa kingulliup iluani aningaasannarniarlutik pinnguarsimapput kiisalu amerlasuut sapaatit akunnikkaartumik eqquiniartarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER