Suliffissuaq 1 koruuniligaqpisisunut akisoorujussuuvoq
Piginnittut pingasut ukiunu qulini Maniitsumi aalisakkanik suilffissuaq millionilinnik annaasaqaatigaat
Ukiut qulit matuma siornatigut Royal Greenlandip Maniitsumi aalisakkanik suliffissuaatini kommunimut 1 koruunilerlugu tunivaa.
Niuerluarnertut isikkoqaraluarpoq, piginnittulli pingasut, ukiuni qulini suliffissuarmik piginnittuusimasut, ingerlatsinermut millionilikkaanik annaasaqarsimapput.
Ullumikkullu namminersornerup inuussutissarsiutinut aningaasaliissuteqarnermut selskabia Greenland Venture A/S Maniitsumi suliffissuarmik kisimiilluni piginnittutut millionilinnik annaasaqassaaq.
Taamaasilluni Greenland Venture Maniitsumi umiarsualivimmi ajornakusoortumik inissisimavoq, tassani selskabi aningaasaliissuteqartartoq selskabinut arlalinnut, aningaasarsiornikkut annertuumik ajornartorsiutilinnut, attuumassuteqarmat.
Greenland Venture Maniitsoq Fiskeindustrimut 2 millioner koruuninik aningaasaliissuteqarsimavoq - ilaatigut aktiatigut aningaasatut, ilaatigullu piginnittuusimasunut taarsigassarsisitsinikkut.
Suliffissuaq matuneqassappat aningaasat annaaneqassapput.
Sermitsiaq nr. 30 atuaruk.