Suliumajunnaarnissaq unitsinneqarpoq

Timmisartuussineq nalinginnaasumik sisamanngorpat ingerlanneqaqqilissaat. Illuatungeriit piffissaq kingullerpaaq atorlugu nutaamik isumaqatigiissuteqarput.

Timmisartunut ilaasussat anersaamisinnaanngorput: Air Greenlandimi timmisartuni saqisut suliumajunnaarnissaraluat ilimasaarutaasoq 20.01 (nunatsinni nalunaaqutaq malillugu) ATUUTILISSANNGILAQ. Assiliisoq: Jørgen Chemnitz

Isumaqatigiissut maannakkut timmisartuni saqisut Air Greenland Cabin Union, ACU-mi, ilaasortaasut akornanni taasissutigineqassaaq. Taamaalilluni suliumajunnaarnissaq ilisimasaarutigineqareersimasoq pinngitsoortinneqarpoq. Maannakkut Air Greenlandimi pisortat sapaatit akunnerini marlussunni toqqissisimasinnaalerpoq, ilassortanit isumaqatigiissutip taasissutigineqarnerata innernerata nalunaarutiginrqarnissaata tungaanut.

Manna tikillugu paasitinneqarsinnaasimanngilagut isumaqatigiissummut ukioq manna siusinnerusukkut illuatungeriit isumaqatigiissutigisimasaannut, ACU-milu ilaasortat amerlanerussuteqangaartut itigarterujussuagaannut, sanilliussilluni nutaartai suunersut.

Aqagu sisamanngornermi Air Greenlandip nalinginnaasumik timmisartuussinini ingerlatissavaa.

Ilaasussat ulluni kingullerni angalanissaminnik allanngortitsisimasut maannakkut toqqarsinnaavaat ulloq angalavissartik nutaaq tigummiinnassanerlugu imaluunniit aallarfissarisimagaluartik inissaqarpat uterfigeqqissanerlugu.

Air Greenlandimi oqarasuaatholder toqqaannartoq ammatinneqarpoq +299 34 33 44 nal. 06:00-imit 17:00-imut.

Powered by Labrador CMS