Puulukit nualluutaat mianersorfigiuk

Peqqinnissaqarfiup nittartagaa peqqik.gl tunillatsinnginnissamut innersuussutit pingasut erseqqissaatigai.

Puulukit nualluutaat H1N1 virusiuvoq nutaaq, piffissap sivikitsuararsuup iluani nunarsuaq tamakkerlugu siaruaatipallattoq. Siaruaatipallannera pissutigalugu Peqqinnissamik naalakkersuisoqarfiup nittartakkani www.peqqik.gl aqqutigalugu tunillatsinnissamut pinaveersaarutit pingaarnerpaat pingasut saqqummiuppai.

Siullertut innersuussutigineqarpoq assaat asakulanissaat, tassa assamminnikkut nappaat tunillaassinnaammat.

Aappaattut innersuussutigineqarpoq tangajortilluni quersortilluniluunniit qaneq asserneqartaqqullugu. Kakkissarfiit ataasiartakkat innersuussutigineqarput taamaattuuteqanngikkaanni qaneq tallimik assertallaqunarpoq assammik assernagu.

Pingajuattut innersuussutigineqarpoq napparsimasut angerlarsimasaqqullugit.

Nakorsaaneqarfik nalunaarpoq Nunatsinni H1N1-mik tunillatsittoqarsimanngitsoq, nualluullu H1N1sakkortoorujussuarmik atugarineqarneq ajortoq.

Powered by Labrador CMS