Skip to main content

Kalaallit Nunaat Qalasersuarmut

Svenskit sikusiutaat Oden sisamassaaneerluni Kalaallit Nunaata avannaani immap naqqanik assilioriartorluni aallassaaq.

Tallimanngorpat svenskit sikusiutaat Oden Svalbardimiit aallassaaq angalaneq Lomrog II ingerlatissallugu. Anguniagaavoq immap naqqani nunaviit imminnut atanerat pillugu paasissutissanik nutaanik katersuinissaq, tamannalu Kalaallit Nunaannut immap naqqa qanoq annertutigisoq kalaallinit pigineqarnersoq pillugu aalajangiisoqalerpat iluaqutaassaaq, Ingeniøren allappoq.

Paasissutissat katersugassat tassaapput immap itissusia aamma sajuppillatsitsinerit atorlugit immap naqqani marraq qanoq issutiginerat uuttortarneqassallutik. Tamakku tassaapput paasissutissat pingaarnerit nunavittap annertusineqarnissaanut atatillugu atorneqartussat, tamakkulu iluaqutigalugit imaassinnaavoq Qalasersuaq Kalaallit Nunaannut atasoq paasineqartoq.

Pilersaarutaavoq angalaneq sapaatit akunnerini arfinilinni ingerlassasoq aggustip aallartinneraniit septembarip qulingata tungaanut, tamanna nallerpat Oden Svalbardimi illoqarfimmut Longyearimut utereersimassaaq. Danskit immap naqqani nunavittap sumut atanera pillugu suliniutaanni peqataasut inuit arfineq pingasut angalanermi peqataassapput.

Taakku ukunanga aggersuupput: DMI, DTU Space, Farvandsvæsenet, Aarhus Universitet aamma GEUS.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER