Kangerlussuarmi inissiisarfiugallartoq

Hotel Umimmak ukiaru pinerluuteqarsimasunut inissiisarfinngortinneqarallassaaq pineqaatissinneqarsimasut utaqqisut amerligaluttuinnartut ikilisarniarlugit.

Oktoberimiit ukiullu aappaata affarigallagaani Hotel Umimmak pinerluuteqarsimasunut inissiisarfiugallassaaq. Ass.: Leiff Josefsen

Kangerlussuarmi pinerluuteqarsimasunut iniisarfiugallartup matunerata kingorna ukioq ataaseq qaangittorlu Pinerluuteqarsimasunut Isumaginniffiup nunaqarfimmi inissiisarfik nutaaq maanna ammalerpaa, tamatumuuna Hotel Umimmak-mi.

Tamanna uppernarsarneqarpoq inissiisarfiup pisortaanit Peter Jyndevad Kristensenimit. Taamatut aalajangertoqarpoq pissutigalugu pillaammik atuisussanut utaqqisut allattorsimaffianiittut amerleriarujussuaqqissimammata.

Taassuma oqaatigaa qaammatip ataatsip matuma siornatigut tamanna pillugu innuttaasunik ataatsimiititsisoqarsimasoq, kingullermillu pisutut, nunaqarfimmiut imatorsuaq akerliusimanngillat.

Maannakkorpiaq pillakkat 240-t missarpiaanniittut pineqaatissiissumminnik atuinissaminnik utaqqipput. Siorna aggustip aallaqqaataani Kangerlussuarmi inissiisarfiugallartup matuneqarneranit utaqqisut 160-it missaannik amerleriarsimapput.

Tamatuma kingunerisaanik inuit sivisunerpaamik qaammatini arfinilinni »kingorna atorneqartussatut« inissiisarfimmiittussanngortitaasut Kangerlussuarmi Hotel Umimmammi pineqaatissiissutsik atortalissavaat.

Sermitsiaq nr. 31 atuaruk.

Powered by Labrador CMS