Skip to main content

Asanninnermik sorsuutiginninneq

Pipaluk Kreutzmann Jørgensen Tivolimi Pantomimeteatretimi qitinnermik takutitsinera misigissutsinik itisuunik attuivoq.

- Nassuerpunga, imminut isiginiartarpunga qitinnermik ilusilersuigaangama. Qitinnermik takutitsininni pineqarput misigissutsit itisuut. Asanninnermik. Tamannalu sammissallugu ajornakusoorpoq. Uagut arnat paasiuminaatsuugatta.

Taamatut oqaluttuarpoq Pipaluk Kreutzmann Jørgensen, qitittartuni pingasut, Christian Mølgaard, Najattaajaraq Joelsen aamma Vilhelm Egede, sisamanngormat ualikkut Pantomimeteatretimi minutsinik 24-inik sivisussusilimmik qitillutik takutitsereerneranni. Ukioq manna Kalaallit Nunaat Tivoli-mi aaqqissuussinerit siullersaanni.

- Annilaangasimavugut, tassa siullermeersumik isiginnaartoqarluta qitinnermik takutitsigatta, Pipaluk Kreutzmann Jørgensen oqaluttuarpoq.

Annilaanganeralli takuneqarsinnaanngilaq, angutit marluk arnarlu ataatsip asanninnerup aqqutaa eqqumiikajaaq ajornakusoortumik qitimmassuk. Aqqutit Kalaallit Nunaata namminersornialerneraniit ullumikkut namminersornermut takutitsisoq, ilisarnaatigalugit peqqusaarluni ilaatigullu kamassaarilluni qitinneq:

- Neriuppunga takutitassiap takutikkaa ersineq, allamut peqateqarnermit kaanngarniarnermit pisoq. Asaqatigiinneq atasinnaassappat nammineq pilliuteqartariaqarpoq. Neriuppunga takutitassiama takutikkaa Danmarkip Kalaallit Nunaatalu akornanni asaqatigiinneq, Pipaluk Kreutzmann Jørgensen oqarpoq, taassumalu qitilluni takutitassiaq kingusinnerusukkut Katuami takutikkusuppaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER