Skip to main content

Nunaqarfik oqaluttuassartalik ukiunik 185-iliivoq

Kalaallit Nunaanni nunaqarfiit kujallersaanni Narsarmijini innuttaasut marloriaatinngorput, ataasinngormat nalliuttorsiortoqarmat.

Nunaqarfik asasaq arterpassuaqarpoq: Narsarmijit, Narsaq Kujalleq imaluunniit Frederiksdal ataasinngormat ukiuni 185-inngortorsiorluni nalliuttorsiorpoq.

Nunaqarfik tyskimit herrnhutimi ajoqersuiartortitamit Johan Conrad Kleinschmnidtimit 1824-imi tunngavilerneqarpoq, angullu taanna Kalaallit Nunaata kulturikkut nuimasortarsuata, seminariami ilinniartitsisup, oqaasinik ilisimatuup allarpassuillu, Samuel Kleinschmidtip ataataraa.

Johan Conrad Kleinschmidt ajoqersuiartortitaqarfik nunaqarfimmi innuttaasut najugarisaannit 200 meterinik ungasitsigisumi tunngavilerpaa, qaammatialunnguilli qaangiutiinnartut Kleinschmidtip illuliaa ukiakkut anorersuarnerani uppippoq, ajoqersuiartortitaqarfillu nunaqarfimmut nuunneqarpoq.

Ippassaq ulloq qaaqqusat 30-it missaanniittut takkuttorpassuillu allat peqatigalugu nalliussineqarpoq. Unnukkut nerersuarnermi 150-it peqataapput.

Nunaqarfimmi innuttaasut 100-t sinnilaarlugit amerlassusillit ullup ingerlanerani marloriaatinngorput, Anda Adolfsen oqaluttuarpoq. Taanna 2005-imi sorarninngorami nunaqarfimmut inunngorfimminut uterpoq, ukiuni 40-ni Nanortalimmi najugaqareersimalluni.

Ullormi nalliuttorsiorfimmi pujornera pissutigalugu qaqutigoortumik qiianaraluartoq silami nereqatigiittoqarpoq ilaatigut Narsarmiormiut illinnartuutaannik. Nunap immikkoortuata illinnartuutai mamarluartut ilaatigut tassaapput natsersuarmik nikkuliat aammalu puisip orsua poorusermioq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER