Skip to main content

Qassiarsummi pinnguartarfittaarput

Kajumissutiminnik suliniartut nunaqarfimmi meeqqat pinnguartarfisaannik pilersitsipput, ilaatigut Inuunerittamit tapiiffigineqartumik.

Marlunngormat juulip 14-ianni nal. 10 aallartikkamikku ullumi 15. juli ulloqeqqariilaartoq meeqqat pinnguartarfiat nutaaq Qassiarsummiut naammassivaat.

Suliarinnittut tassaapput Qassiarsummiut eqqaanilu savaateqarfimmiut namminneq piumassutsiminnik peqataasut.

Pinnguartarfik kuuk ikaarlugu skolehjemmut ungasinngitsumi inissisimasoq katillugit 70.000 kronit missaannik akeqarpoq.

Pilersaarutip piviusunngortinnissaanut Inuuneritta aningaasaleeqataavoq 30.000 kroninik, Kommune Kujallerlu atortussat assartornissaannut 25.000 kroninik aningaasaliilluni.

 Pinnguartarfittaarnissaamut suliniuteqartut siuttui tassaapput Dorthe Frederiksen, Carina M. Kielsen aamma Kirsten Poulsen.

Taakku ukioq qaangiuttoq septembarimi qangali pilersaarummik piviusunngortitsinissamik suliniuteqalerput, savaateqarfimmiut, Narsarmiut Narsarsuarmiullu eqqugassatut suliaat iluaqutigalugit bankortitsisarlutik aningaasaateqarfinnullu qinnuteqartarlutik.

 Siunertaasimavoq juulip 29-anni aallartittumik Qassiarsuup 85-inngorlugit nalliuttorsiorani pinnguartarfik tunissutaassasoq, ullorlu taanna meeqqat susassaqartinneqarnissaat arnat suliniuteqartut pingasut oqaluttuaraat. 

 

Qallunaatsiaat illukuinik iluarsaajartortut Islandimeersut ikiuuttunut aamma ilaapput.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER