Skip to main content

Isaksen Design immikkuullarissunik tuniniagaqarput

Ukioq manna Kalaallit Nunaat Tivolimimi ileqquulersimasoq atisalianik takutitsineq takussaanngilluinnarpoq. Uggornaqaaq, Nicki Isaksen, Isaksen Designimik piginnittoq, isumaqarpoq.

- Uagut qujanartumik nalinginnaasunik atisaliortanngilagut, kisianni qanganiilli atisalioriaatsit qalipaatit, qernertoq, aappalaartoq aamma qaqortoq atorlugit mersortarpugut. Ukioq manna 50-ikkunni alutorsaatigineqartarsimasut tiitoriartorluni atorneqartartut ilusilersuutigaavut.

Nicki Isaksen taamak oqaluttuarpoq, kalaallinit atisanik ilusilersuisartunit kisiartaalluni takutitsivissatsialammik, Kalaallit Nunaat Tivolimimik atuisoq, tassa ulluni pingasunik Kalaallit Nunaat Tivolimi ingerlanerani ornigarneqartarnerujussua pissutigalugu atorluaalluni.

- Assorsuaq uggornarpoq ukioq manna atisanik takutitsinnginnatta. Tassami tamanna uagutsinnut atisanik ilusilersuisartunut tamatsinnut nittarsaassinissamut periarfissatsialassuugaluarpoq. Tassami atisalianik takutitsinermi takutissinnaagaluarparput, uagut Kalaallit Nunaanni qanoq isumassarsiullaqqitsiginersugut, Nicki Isaksen nassuiaavoq, takutitsinermut taarsiullugu nammineq ilusilersukkaminik mersorsimasaminik tuniniaavilerluni tuniniaavoq.

Tuniniaavik Tivolihavenimi Slotspladsenimi assut ornigarneqarpoq.

- Uagut amerlasuunik orninneqartarpugut amerlasuunillu pisiniartoqarluta. Isaksen Designimit tamat niuerfiat unammiffiginngilarput, taamaattumillu aningaasarsiornikkut ajornartoorneq imatut annertoorsuarmik maluginngilarput. Uagut immikkuullarissunik suliaqartarpugut, tamannalu uagut nukittoqutigaarput, Nicki Isaksen oqarpoq, ukioq manna atisat ilusilersugai amernik, annoraaminermik hørimik aamma siilikimik suliaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER