Statsministeri Brugsenip saavani nipilersortoq
Statsminister Lars Løkke Rasmussen Nuummi Brugsenip savaani cornetimik qarlortarluni nipilersorpoq.
Danskit statsministeriat Lars Løkke Rasmussen Utoqqarmiut Kangerluarsunnguanut tikeraareerluni Hotel Hans Egedemut uteqqammerluni, nulianilu tusalerpaat eqqannguaminni qarlortartunik nipilersortoqarpaluttoq.
Paasinarsivorlu statsministeri sunaaffa aamma nipilersorsinnaasoq.
Nuup Illoqarfiata Nipilersortarsuisa silami Brugsenip saavani nipilersornerannut pissutaavoq ukiut 30-nngorlugit nalliuttorsiornertik malunnartinniaramikku. Lars Løkke Rasmussen pilluaqqusiniarluni orniguppoq, taavalu Nuup Illoqarfiata Nipilersortartuisa siulersuisuata Jørgen Søndergaardip iluatseriarlugu statsministeri aperaa nipilersorsinnaanersoq.
Lars Løkke Rasmussen cornetimik atugassarsivoq kiisalu Nuup Illoqarfiata Nipilersortartuilu »When the saints go marching in« atorpaat.